Qaraǧandylyq poliseiler ız-tüssız joǧalyp ketken azamattyŋ mäiıtın tapty. Būl turaly Polisia.kz habarlady, dep jazady "Adyrna" ūlttyq portaly.
33 jastaǧy qala tūrǧyny 15 şıldeden bastap ız-tüssız joǧaluyna bailanysty ızdeude bolǧan. Onyŋ naqty mekenjaiyn anyqtau şaralary ekı aidan astam jürgızıldı. Polisiia qyzmetkerlerı azamatty anyqtau jūmysyna barlyq küş qūraldardy jūmyldyryp, onyŋ jaqyndary men tanystary boiynşa da aqparattar jinady.
“Jürgızılgen jedel-ızdestıru ıs-şaralary men tergeu äreketterı barysynda kriminaldyq polisiia qyzmetkerlerı joǧalǧan azamatty öltırdı degen küdıkpen 38 jastaǧy qala tūrǧynyn ūstady. Ol jäbırlenuşımen sözge kelıspeuşılık barysynda oǧan dene jaraqattaryn keltırıp, qylmysyn jasyru maqsatynda mäiıttı jer üilerdıŋ bırınıŋ qorasynda kömıp tastaǧany turaly moiyndau körsetpe belgılerın berdı”, -dep habarlady Qaraǧandy oblystyq Polisiia departamentı bastyǧynyŋ orynbasary Äbıl Äbıldin.Qazırgı uaqytta atalǧan derek boiynşa Qazaqstan Respublikasy Qylmystyq kodeksınıŋ 99-babyna säikes qylmystyq ıs qozǧalyp, tergeu amaldary jürgızılude. Küdıktı uaqytşa ūstau izoliatoryna qamaldy.
"Adyrna" ūlttyq portaly
