Professor bolaşaq tarihşylarmen kezdestı

Almaty qalasy Işkı saiasat basqarmasynyŋ qoldauymen «Adyrna» ūlttyq-etnografiialyq bırlestıgı Abai atyndaǧy Qazaq ūlttyq pedagogikalyq universitetınde tarih ǧylymdarynyŋ doktory, professor, qytaitanuşy Näbijan Mūqamedhanūlymen kezdesu ötkızdı. «Tarihtan taǧylym» jobasy aiasynda ötken kezdesuge universitettıŋ Tarih jäne qūqyq fakultetınıŋ studentterı qatysty. Ǧalym studentterge 1931-1933 jyldary qazaq dalasynda bolǧan jappai aşarşylyq pen onyŋ zardaptary turaly äŋgımeledı. «20-ǧasyrdyŋ 30-jyldarynda qazaq halqy eŋ auyr kezeŋıŋ bastan keşırdı. Keŋes ökımetı qazaqtardy bır oq şyǧarmai qyryp saldy. Mūny ǧylymda genosid dep ataidy. Bız genosidke ūşyrǧan halyqpyz», dedı ǧalym. N.Mūqamedhanūlynyŋ deregınşe, sol jyldary Qytaiǧa 100 myŋǧa tarta qazaq ötken. Onyŋ sözınşe aşarşylyq kezınde qazaq jerınde köşken adamdardan ölken adamdardan sany köp bolǧan. Kezdesu soŋynda studentter ǧalymǧa sūraqtar qoiyp, tūşymdy jauaptar aldy.