Májilistegi Úkimet saǵatynda depýtat Elnur Beısenbaev Densaýlyq saqtaý mınıstri Ajar Ǵınııattyń jumysyn synap, medıına salasyna 3 degen baǵa berdi. Bul týraly "Adyrna" ulttyq portaly jazady.
"Baılar Qazaqstanda emdelmeıtin, kedeılerdi emdeı almaıtyn jaǵdaıǵa jettik. Jergilikti ákimdikter kúndelikti mádenı sharalarǵa, eskertkish ashýǵa kelgen kezde mıllıondap qarajat tabady. Al halyqty, aýyldaǵy azamattardy emdeýge kelgen kezde... Mańǵystaý oblysyndaǵy jedel-járdemniń áli kúnge deıin arendatorlyq jerde otyrý máselesine kelgende jergilikti ákimdikterde qarjy tabylmaı qalady. Ákimdikter, jergilikti medıına máselesin sheshýde 10 balldyq eseppen alatyn bolsaq, siz olardyń jumysyna qansha ball beresiz? Oblys ákimderiniń jumysyna qandaı baǵa beresiz? Aıtyńyzshy ? Men mysaly olarǵa 3 degen baǵa qoıar edim. Siz neshe degen baǵa qoıasyz?", - dep surady depýtat mınıstrden.
Ajar Ǵınııat depýtattyń sózderine renishin bildirip, jaǵdaıdyń múldem ondaı emestigin alǵa tartty.
"Meniń ákimdikterge baǵa beretin quziretim joq. Sizdi qurmetteımin, degenmen sózderińizge kelise almaımyn. Halyqty emdemeıdi, medıına senimsizá dep osy jerde otyrǵandardyń kóbisiniń dárigerlerge baryp, em alyp júrgenderin bilemin. Barlyq halyqtyń atynan olaı aıtpaǵan jón", -dep til qatty mınıstr.
"Adyrna" ulttyq portaly
