Toqaev Qatar ämırın eŋ joǧary memlekettık nagradamen marapattady

Prezident Qasym-Jomart Toqaev Qazaqstanǧa memlekettık saparmen kelgen Qatar Ämırı şeih Tämim ben Hamad Äl Tänige Qazaqstan Respublikasynyŋ eŋ joǧary memlekettık nagradasy – «Altyn Qyran» ordenın tabys ettı, dep habarlaidy «Adyrna» tılşısı. Orden tabystau räsımınde Memleket basşysy Qatar Ämırınıŋ halyq aldyndaǧy abyroi-bedelın, el basqaru ısındegı danalyǧy men erekşe tūlǧalyq qasietterın, älemdegı beibıtşılıktı saqtauǧa jäne tūraqtylyqty qamtamasyz etuge qosqan zor ülesın atap öttı. Sonymen qatar Qasym-Jomart Toqaev biyl Dohada ötken kezdesude şeih Tämim ben Hamad Äl Tänimen strategiialyq serıktestık ornatu jönınde uaǧdalastyqqa qol jetkızgenın, ekı memleket arasyndaǧy dostyq qarym-qatynasty nyǧaituǧa bar küş-jıgerın jūmsaitynyn aitty.