Respýblıka kúnine oraı Oral qalasy mektepteri oqýshylary «Qyran elim – Qazaqstan», «Moı Kazahstan» taqyrybynda dıktant jazdy.
Respýblıka kúnin atap ótý tujyrymdamasy aıasynda respýblıka men ult úshin paıdaly isterge ultty uıystyrý maqsatyndaǵy sharalar josparlandy. Sonyń biri retinde oblystyq bilim basqarmasynyń bastamasymen bilim berý uıymdarynda dıktant jazý uıymdastyrylyp, qala boıynsha 50 myń oqýshy biryńǵaı akııaǵa qatysty.
Dıktant mátini oqýshylardyń synyp erekshelikterine baılanysty berildi. Mátin mazmuny memlekettiń qundylyqtary men qaǵıdattaryn qurmetteý, qazaqstandyq biregeılikti qalyptastyrý, qoǵamdyq kelisim men el birligin nyǵaıtý, Otanyn, týǵan elin súıýge tárbıeleýdi maqsat etti.
Respýblıka kúnin merekeleý aıasyndaqalalyq bilim uıymdarynda «Egemen elimniń Jasulanymyn» patrıottar forýmy, merekege arnalǵan sýret kórmesi, oqýshylar arasynda mánerlep oqý baıqaýy, debat týrnıri syndy patrıottyq máni zor sharalar uıymdastyrylmaq. Sondaı-aq barlyq synyptarda tárbıe saǵattary ótedi.
