Semeıde polıeıler kópirden sekirmek bolǵan jigitti qutqardy, dep habarlaıdy «Adyrna» tilshisi Ishki ister mınıstrliginiń Telegram kanalyna silteme jasap.
«11 qazan kúni tańǵa jýyq ýaqytta Abaı oblysy Polıııa departamenti Jedel basqarý ortalyǵynyń ınspektory Selevına-Volgogradskaıa kósheleriniń qıylysynda ornalasqan beınebaqylaý kameralary arqyly temirjol kópiriniń qorshaýynda turǵan adamdy baıqap qalady. Bul týraly polıııa qyzmetkeri dereý patrýldik polıııa batalonynyń ekıpajdaryna habarlaıdy.
Oqıǵa ornyna birinshi bolyp 2-shi rota qyzmetiniń ınspektorlary keledi.
Baýyrjan Nurǵazynov er adamdy ustap qalý úshin artqy jaǵynan relstermen júrip ótedi.
Baýyrjan Aldongarov áńgime barysynda jigitti raıynan qaıtarady.
Mán-jaıdy anyqtaý úshin ol Áýezov polıııa bólimine jetkizildi»,—delingen habarlamada.
Beınejazbany kórý úshin siltemeni basyńyz.
