Qaraǵandyda 15 qazan – Qazaq tili kúnine oraı «Ońaı qazaq tili» atty qazaq tilin oqytýdyń jalpyulttyq baǵdarlamasynyń tusaýkeseri ótedi.
«Qazaq halqynyń murasy» kitaptar serııasynyń bastamasymen qolǵa alynyp otyrǵan bul joba ózge tildi azamattarǵa memlekettik tildi barynsha jeńil oqytýdy kózdeıdi. Jobany uıymdastyrýshylar baǵdarlamada negizinen eki túrli quraldyń qoldanylatytyn sóz etti. Atalǵan quraldardyń qatarynda oryssha – qazaqsha rıfmalanǵan sózdik pen sóılem quraýdy formýla arqyly túsindirýge baǵyttalǵan ádisteme bar.
«Ońaı qazaq tili» atty jalpyulttyq baǵdarlamanyń sabaqtary aptasyna 1 ret áleýmettik jelilerde jáne aqparattyq saıttarda jyl boıyna jarııalanyp otyrady. Sabaqtar tegin usynylady. Bul «Qazaq halqynyń murasy» kitaptar serııasynyń ult qundylyqtaryn nasıhattaýǵa baǵyttalǵan 32-shi jobasy.
