Äleumettık jelıde tarap ketken videoda ekı äskeri qyzmetşınıŋ alaŋǧa şyǧyp, qoian-qoltyq ūrysqa şyqqanyn köruge bolady. Azattyq Ruhy tılşısı QR Işkı ıster ministrlıgınen videoǧa qatysty mälımet beruın sūrady, dep habarlaidy "Adyrna" ūlttyq portaly.
Belgılı bolǧandai, mūndai ūrysqa äskeri qyzmetşıler küreŋ beret kiiu märtebesı üşın barǧan.
«Jyl saiyn «Bürkıt» arnaiy maqsattaǧy bölımşesı äskeri qyzmetşılerınıŋ arasynda bölımşe jauyngerı üşın asa märtebelı de qūrmettı sanalatyn küreŋ beret qūqyǧyn ielenuge arnalǧan saiys synaǧy ūiymdastyrylady. Dästürlı şaraǧa ainalǧan atalǧan kvalifikasiialyq synaq biyl 21-şı ret öttı. Osy jyly oǧan qatysuǧa 100-ge juyq äskeri qyzmetşı ynta bıldırdı. Äskeri qyzmetşıler synaqqa qatysu üşın teoriialyq bılımnen test tapsyryp, olardyŋ deneşynyqtyru daiyndyqtary men arnaiy jattyǧulardy, bailanys jäne medisina qūraldaryn meŋgeruden aldyn ala bılıktılıkterı pysyqtaldy. Synaqqa tüsken äskeri qyzmetşıler bas-aiaǧy 35 şaqyrymdy 6 saǧat kölemınde jügırıp ötıp, normativter oryndady. Biyl būl saiysqa 600 ümıtker qatysuǧa niet bıldırdı, olardyŋ arasynan 60 ümıtker qorytyndy synaqqa jıberıldı. Qorytyndy kezeŋge 22 ümıtker jettı. Ūlttyq ūlannyŋ arnaiy maqsattaǧy «Bürkıt» bölımşesınıŋ basty maqsaty – ekstremizm jäne laŋkestıkpen küresu, memleket müddesıne jäne adamdardyŋ ömırı men densaulyǧyna tönetın qauıp-qaterlerge qarsy jedel äreket etu », – dep mälımdedı QR Ūlttyq ūlannyŋ baspasöz qyzmetı.https://youtu.be/1aOKm7Hvg30
"Adyrna" ūlttyq portaly
