Qasym-Jomart Toqaev Almaty oblysyna jūmys saparymen baryp, bügıngı kezdesu barysynda qazaq tılı mäselesıne toqtaldy, dep jazady "Adyrna" ūlttyq portaly.
«Qazaqşa söileitın jastar köbeiıp kele jatyr. Jalpy, tıldık orta tübegeilı özgerdı. Qazaq tılın bıletın özge ūlt ökılderı de az emes. Soǧan säikes qazaqşa filmderge, änderge jäne basqa da önımderge degen sūranys joǧary. Mūnyŋ bärı qazaq tılınıŋ qoldanu aiasy jyldan-jylǧa keŋeiıp kele jatqanyn körsetedı. Sondyqtan, alaŋdauǧa eş negız joq. Qazaq tılın paidalanyp, saiasi oiyndar jürgızudıŋ qajetı joq. Osyndai terıs tüsınıkter keibır elderdı qasıretke ūşyratty. Memleket qazaq tılın qoldau üşın tiıstı şaralar qoldanyp jatyr. Būl baǧyttaǧy jūmysty jalǧastyra beremız. Öz tılımızdı özımız ūlyqtauymyz kerek. Būl – öte dūrys. Bıraq, özge tılden bas tartuǧa bolmaidy. «Öz tılıŋ bırlık üşın, özge tıl tırlık üşın» degen söz bar. Bız tıl saiasatyn baiyppen jürgızuımız kerek. Sonda ǧana közdegen maqsatymyzǧa jetemız. «Älem halyqtarynyŋ jaqsy qasietterın boiǧa sıŋırıp, ozyq ürdısterın üirenu üşın tıl bılu qajet. Babalarymyz «Jetı jūrttyŋ tılın bıl, jetı türlı ılım bıl» dep aitqan. Şyn mänınde, jastar neşe tıl bılse, aldynan sonşa eldıŋ esıgı aiqara aşylady. Būl tuǧan elıŋnıŋ müddesıne qyzmet etu üşın qajet. Degenmen, eŋ aldymen, jastarymyz ana tılın – qazaq tılın bıluı kerek. Ana tılımız bırınşı orynda bolyp, bärımız üşın negızgı basymdyq boluy qajet. Solai bolady da dep atap aitqym keledı. Jalpy, bız tılımız damymai jatyr degen oidan aryluymyz kerek. Täuelsızdık kezeŋınde onyŋ märtebesı biıktemese, tömendegen joq. Qanşama aqparat qūraldary habar taratady. Gazet-jurnaldar, kıtaptar şyǧyp jatyr», - dedı Toqaev.
"Adyrna" ūlttyq portaly
