Äleumettık jelıde Chocolife kompaniiasynyŋ direktory Ramil Muhoriapovtyŋ reseilıktermen kezdesude aitqan sözı qyzu talqyǧa tüstı. Kezdesu barysynda kompaniia basşysy şeteldıkterge qazaq tılınde jauap beru “mädeniettıŋ körınısı emes” ekenın aitqan. Alaida keiın jazba jariialap, azamattardyŋ dūrys tüsınbei qalǧanyn mälımdedı, dep habarlaidy "Adyrna" ūlttyq portaly stan.kz-ke sılteme jasap.
Videodan äieldıŋ Reseiden kelgen azamattarǧa qazaq tılıne qatysty tüsındırıp jatqanyn köruge bolady.
"Eger sızge orys tılınde emes, qazaq tılınde söilese, būl – agressiia emes. Tüsınıstıkpen qarauǧa tyrysyŋyzdar. Jek köru turaly aitudyŋ keregı joq", – deidı ol.Alaida spikerdıŋ sözın bölgen Ramil Muhoriapov qazaq tılınde jauap beru "mädeniettıŋ körınısı emes ekenın" mälımdedı.
"Adam orys tılın rasymen bılmese, jaraidy. Öitkenı būl bır türlı, ūltşyldyqtyŋ körınısı. Mūny tüsınuge bolady. İä, alaida būl – mädeniettıŋ körınısı emes", – dedı ol.https://youtu.be/IYKTSIL-LNs Video Qaznette qyzu talqyǧa tüsken soŋ Ramil Muhoriapov öz sözıne tüsındırme berıp, jazba jariialady. Onyŋ paiymdauynşa, jelı qoldanuşylary dūrys tüsınbei qalǧan.
"Qazaqstanǧa aqyldy jäne közı aşyq adamdardyŋ kelgenı öte jaqsy. Eger olar elde qalsa, tıpten jaqsy, sebebı būl – bılım men salyqtyŋ aǧyny. İndraiver Qazaqstanǧa 540 adamdy köşırdı, jüzden asa öz azamattarymyzdy jūmysqa aldy. Bır jylda 9 milliard teŋge jalaqy töledı. Öz basymdyǧyŋdy körsetu, kömektespeu, baǧany köteru – dūrys emes. Būl tek şeteldıkterge qatysty emes, öz jerlesterımızge de qatysty", – dedı ol.Sonymen qatar Muhoriapov orys tılmei-aq şeteldıkterge kömektesuge tyrysudyŋ dūrys ıs ekenın qosyp öttı. Aituynşa, mūndai äreket naǧyz qonaqjai eldıŋ azamaty ekenın körsetedı.
"Eger orys tılın bılıp, bıraq özıŋnıŋ basymdyǧyŋdy körsetu üşın qazaq tılınde jauap berseŋ, senıŋ janyŋda qazaqtyŋ qonaqjailylyǧy joq. Men qazaq tılın qūrmetteimın, Qazaqstan – menıŋ Otanym! Menıŋ sözderımdı dūrys tüsınbegenın qalamaimyn. Men kez kelgen qysymǧa qarsymyn", – dep aiaqtady kompaniia basşysy.Al Chocolife kompaniiasy holdingte qazaqstandyqtardy jūmystan şyǧaryp, reseilıkterdı qabyldap jatqany turaly aqparattyŋ şyndyqqa janaspaitynyn mälımdedı. Sözderınşe, qazır kompaniiada 650-ge juyq qyzmetker jäne olardyŋ 100%-ǧa juyǧy qazaqstandyqtar eken.
“Bızdıŋ paraqşalarymyzda memlekettık tıldegı kontentte olqylyqtar bar ekenın körıp jürmız. Bız būl kemşılıgımızdı moiyndaimyz, aldaǧy uaqytta qazaq tılındegı kontent barlyq paraqşalarda qoljetımdı bolady", – delıngen jazbada.
"Adyrna" ūlttyq portaly
