Pavlodar oblysynyń Maı aýdanynda taǵy da shóp órtenip jatyr. Bul týraly Pavlodarnews.kz. jarııalady, dep habarlaıdy “Adyrna” ulttyq portaly.
Órt Baskól aýyldyq okrýgine qarasty Jańatilek aýylynyń janyndaǵy Ertis ózeniniń jaǵasynda tutanǵan. Jańa shabylǵan 70 tonnaǵa jýyq shóptiń janyp jatqany týraly habar oblystyq tótenshe jaǵdaılar departamentine keshe kelip túsken.
“23 qazan kúngi saǵat 10:30-daǵy jaǵdaı boıynsha órt 5 oshaqta 140 gektarǵa jýyq aýmaqta tirkelgen”, - dedi departament ókilderi.
1-oshaq – 15 gektar, 2-oshaq – 25 gektar, 3-oshaq – 37 gektar, 4-oshaq – 39 gektar, 5-oshaq – 24 gektar.
“Qolaısyz aýa raıyna baılanysty órtti sóndirý qıynǵa soǵyp jatyr. Oǵan qosa, 23 qazanda Pavlodar oblysynda daýyldy eskertý jarııalandy. Jel kúsheıip, jyldamdyǵy sekýndyna 23-28 metrge deıin jetti. Aýyldarǵa qaýip joq”, - dep málimdedi oblystyq TJD.
Qazir órt bolǵan jerde TJD-dan 4 tehnıka, 23 adam, Baskól órt sóndirý beketiniń, Kóktóbe orman sharýashylyǵynyń, Maıservıs kásipornynyń qyzmetkerleri jáne erikti 50 adam júr.
