Sátbaev qalasynda jol-kólik oqıǵasy saldarynan kólik órtenip, júrgizýshi oqıǵa ornynda qaza tapty. Áleýmettik jelide órtenip jatqan kóliktiń vıdeosy paıda boldy, dep habarlaıdy “Adyrna” ulttyq portaly.
Ulytaý oblystyq polıııa departamentiniń málimetinshe, qaıǵyly oqıǵa 25 qazanda Jezqazǵan – Esil – Petropavl tasjolynda Sátbaevtan Jezqazǵan qalasyna shyǵa beriste bolǵan.
«Aldyn ala málimet boıynsha, «Mersedes» kóliginiń 58 jastaǵy júrgizýshisi rólge ıe bola almaı, qala ataýy jazylǵan arkaǵa soǵylǵan. Jol-kólik oqıǵasy kezinde kólik órtenip, júrgizýshi oqıǵa ornynda qaza tapty», - delingen habarlamada.
Atalǵan derek polıııada tirkelip, tıisti saraptamalar taǵaıyndaldy. Qazirgi kezde tergeý amaldary júrgizilip jatyr.
