Foto: Polisa.kz
Almaty qalasynda "STOP būzuşylyq" jedel-profilaktikalyq ıs-şarasy ötıp jatyr, dep habarlaidy “Adyrna”.
Qalalyq polisiia departamentınıŋ mälımetınşe, 2 künde jol qozǧalysy erejelerın būzudyŋ 4 828 deregı anyqtaldy. Reid barysynda qauıpsızdıkke qater töndıretın öreskel qūqyq būzuşylyqtarǧa erekşe nazar audaryldy. Atap aitqanda:
– Kölık qūralyn basqaru qūqyǧy joq azamattardyŋ kölık jürgızuınıŋ 44 deregı;
– Būryn jürgızuşı kuälıgınen aiyrylǧan tūlǧalardyŋ qaitadan kölık basqaruynyŋ 8 deregı;
– Jalǧan memlekettık nömır paidalanu boiynşa 8 derek;
– Qarsy qozǧalys jolaǧyna şyǧudyŋ 15 deregı anyqtaldy.
"Jürgızılgen şaralar nätijesınde 2 myŋnan astam avtokölık, onyŋ ışınde şeteldık tırkeudegı kölıkter de arnaiy aiyppūl tūraǧyna qoiyldy. Qala polisiiasy küşeitılgen rejimde jūmys ıstep jatyr", – dep habarlady polisiiadan.
