Qazaq kólik jáne kommýnıkaııa Akademııasyn qoqan-loqymen tartyp alý áreketi oryn alyp jatqany aıtyldy, dep habarlaıdy "Adyrna" tilshisi jýrnalıst Gúlmıra Ábiqaıdyń jelidegi jazbasyna silteme jasap.
Qazaq kólik jáne kommýnıkaııa Akademııasyn Nurlan Saýranbaev esimdi sheneýnik kúshtep almaq bolǵan. Bul týraly Akademııanyń ınvestory ári basshysy Gúlzana Serikova úndeý joldap, dabyl qaǵýda. Beıne-úndeýde:
""“Men sizderden kómek suraýǵa májbúrmin. Maǵan sheneýnikten qysym túsip jatyr. Mende habarlamalar, qoyńraýlar, kezdesýde aıtylǵan jazbalar, dálelder bar. Men bárin kórsete alamyn. Jyl basynda "Qazaqstan temir jolynyń" basshysy Nurlan Saýranbaev meni óz keńsesine shaqyryp, qorqyta bastady. Ol Akademııanyń 51% onyń aıtqan adamyna jazýymdy aıtty. Aıtqanymdy istemeseń, abaqtyǵa otyrǵyzyp, jeke bıznesińdi tartyp alamyn. Sen meniń múmkindikterimdi bilmeısiń",-dep qorqytqanyn aıtady.
Usynystan bas tartqan kásipker Gúlzanaǵa ulttyq kompanııa tóraǵasy «51 emes, 25 paıyzyn ber, saǵan meniń atymnan bir kisi habarlasady» degen-mys.
Sáıkesinshe oǵan J. esimdi boıjetken habarlasyp, sheneýniktiń qyzy ekenin aıtqan. Iaǵnı, QTJ basshysynyń qyzy habarlasyp, «Papam surap jatyr, akııalardy qashan beresiń» degen syndy saýal qoıǵan.
Tanymal jýrnalıst Gúlmıra Ábiqaı bul daýǵa qatysty arnaıy tekserý jumystary júrip jatqanyn aıtady. Óz jazbasynda:
"Kezinde memleket qaramaǵynda bolǵan áıgili oqý orny tozyǵy jetip, jemqorlyqqa ábden batty. Bıýdjetke tıimsiz aktıv dep tanylǵan mekemeni Úkimet jekeshelendirýge shyǵarady. Aýkıon qorytyndysy boıynsha satyldy. Gúlzana hanym QazATK-ǵa 5 jylda attaı 4 mlrd. tg. asa qarjy quıypty. Endi ǵana aıaǵyna turyp kele jatqan oqý ornyn QTJ basshysynyń keri qaıtarý úshin ashyq bopsalaýynyń astarynda ne jatyr? Ulttyq kompanııa basqarma tóraǵasynyń erketotaı qyzy bul mekemeniń enshiles tulǵasy (afıllırovannoe lıo) ekeni taǵy anyq. Myna beıne Úndeý 90-shy jyldardaǵy oqıǵalardy elestetedi. Reıderlik bopsalaý degen Álıevpen birge ketti ma desek bar eken ǵoı)",-dep jazady.
