Memleket basshysy Qasym-Jomart Toqaevtyń Jarlyǵymen bekitilgen halyqpen kezdesýdiń jańa formatyna sáıkes, jyl sońyna deıin Almaty qalasynyń ákimi Erbolat Dosaev halyqpen 24 kezdesý ótkizedi, dep habarlaıdy «Adyrna» tilshisi.
Prezıdent jarlyǵynyń sheńberinde shahar basshysy 8 aýdannyń árqaısysynyń turǵyndarymen toqsanyna bir kezdesý ótkizýi tıis. Osynyń aıasynda Erbolat Dosaevtyń halyqpen kezdesýi Naýryzbaı aýdanynda ótti. Qala basshysy aýdannyń damýy jáne turǵyndardan túsken usynystar boıynsha atqarylǵan jumystar týraly aıtyp berdi. Kezdesýge 350-den astam adam keldi.
Aýdanda sapaly aýyz sýmen qamtamasyz etý ózekti másele bolyp qala beredi. Ony sheshý úshin qazirgi ýaqytta 2 sý qoımasynyń 104,2 km ınjenerlik jelilerdiń qurylysy belsendi júrgizilýde, sondaı-aq sorǵy stanııalary bar qosymsha magıstraldyq sý qubyryn jobalaý bastaldy. Qarǵaly sý qoımasy boıynsha jumystar 92%-ǵa aıaqtaldy, paıdalanýǵa berý kelesi jyldyń maýsym aıyna josparlanýda. Aqsaı stanııasynyń jobasy boıynsha búginde jer jumystary júrgizilýde, nysandy tapsyrý 2025 jyldyń úshinshi toqsanyna josparlanǵan.
Aýdandy turaqty elektrmen qamtamasyz etý úshin 79 transformatorly qosalqy stanııa jóndelip, 3,8 km elektr jelileri qaıta jańartyldy. Sondaı-aq, aýdanda 48 kóshede syrtqy jaryqtandyrý júrgizildi. 2023 jyly taǵy 59 kóshede jaryqtandyrý máselesin sheshý josparlanǵan.
Aýdanda jol ınfraqurylymy men qoǵamdyq kólikti damytý máselesi boıynsha uzyndyǵy 23 km bolatyn 30 kósheniń ortasha jóndeý jumystary aıaqtaldy, 2022 jyldyń qarasha aıynyń sońyna deıin uzyndyǵy 7 km 8 kóshe jóndeledi. Sondaı-aq jyl basynan beri Aqjar shaǵyn aýdanynda uzyndyǵy 6,7 km bolatyn 19 jańa kóshege asfalt tóseldi.
Oqýshy oryndarynyń tapshylyǵyn tómendetý úshin 2022 jyldyń 1 qyrkúıegine qaraı Qalqaman shaǵyn aýdanynda 1800 oryndyq 2 mektep jáne Qarǵaly shaǵyn aýdanynda 600 oryndyq jeke mektep ashyldy. Jyl sońyna deıin Qalqaman sh/a-da 1500 oryndyq taǵy 2 mektep jáne «Alma Sıtı-5» TK aýmaǵynda 1200 orynǵa arnalǵan mektep paıdalanýǵa beriledi.
Mektepke deıingi uıymdarda oryn tapshylyǵyn qysqartý maqsatynda jyl basynan beri 700 oryndyq 12 jekemenshik balabaqsha ashyldy. Shuǵyla shaǵyn aýdanynda 2023 jyldyń shildesinde aıaqtalýy tıis 320 oryndyq jańa balabaqsha salynýda. Sonymen qatar, 3 balabaqsha boıynsha JSQ ázirlenýde: Quramys shaǵyn aýdanynda 320 oryndy, Shuǵyla shaǵyn aýdanynda 320 oryndy jáne Qalqaman shaǵyn aýdanynda 240 oryndy.
Medıınalyq qyzmet kórsetýdiń qadamdyq qoljetimdiligin qamtamasyz etý úshin 500 adamdy qabyldaıtyn 2 jańa emhana jáne 1 otbasylyq-dárigerlik ambýlatorııa (200 adam) salý josparlanýda. Qurylys-montaj jumystary 2023 jylǵa josparlanǵan.
Aýdanda qatty jaýyn-shashyn kezinde sý basý máselesi ózekti bolyp qala beredi.TJ jelisi boıynsha 6 ýchaskeni joıý jumystary júrgizilýde. 4 ýchaske boıynsha jumystar aıaqtaldy. Oıjaılaý ózeniniń uzyndyǵy 1,1 km arnasy nyǵaıtyldy, Tólebekov, Taljanov, Jadyr (800 m) 3 kóshesi boıynsha aryq jelileri salyndy. Aǵymdaǵy jyldyń qarasha aıynyń sońyna deıin Raıymbek dańǵyly boıynsha «Nurly Dala» TK-de uzyndyǵy 1,4 km Aqsaı ózeniniń arnasyna deıin jáne Sabdenov kóshesindegi aryq jelisin abattandyrý aıaqtalady
Sondaı-aq, qala ákimi Erbolat Dosaev «Halyq qatysatyn bıýdjet» baǵdarlamasynyń iske asyrylý barysy týraly habardar etti. Bıyl aýdanda 47 joba júzege asyryldy. Aqjar shaǵyn aýdanynda (3 ga) jáne Qalqaman sh/a (2,5 ga), Qonaev kóshesi boıyndaǵy uzyndyǵy 1,2 km jaıaý júrginshiler aımaǵy, Meıram sh/a jaıaý júrginshiler aımaǵy. Meıram jáne t.b. abattandyryldy. Qoǵamdyq keńistikterdiń 21 ýchaskesi (skverler, balalar alańdary, aýlalar) jáne jol ınfraqurylymy boıynsha 26 joba da abattandyryldy.
Almaty ákimimen kezdesý barysynda turǵyndar joldardy jóndeý, káriz jáne elektr jelilerin abattandyrý jáne t. b. máselelerdi kóterdi.
