QR Tótenshe jaǵdaılar mınıstrligi Ónerkásiptik qaýipsizdik komıteti «ArselorMıttal Temirtaý» Akıonerlik Qoǵamynyń Kómir departamentiniń «Tentek» shahtasyndaǵy qaýipti óndiristik obektiler men qaýipti tehnıkalyq qurylǵylarǵa tekserý júrgizdi, dep jazady "Adyrna" ulttyq portaly.
Kásiporynnyń negizgi qyzmeti jerasty tásilimen kómir óndirý bolyp tabylady.
Tekserý barysynda 305 obekti tekserilip, bul rette ónerkásiptik qaýipsizdik salasyndaǵy zańnama talaptarynyń 151 buzýshylyǵy anyqtaldy. Memlekettik ınspektorlarmen anyqtalǵan buzýshylyqtardy joıý týraly nusqama berildi jáne «Ákimshilik quqyq buzýshylyq týraly» QR Kodeksiniń 298-baby 1-bóligi boıynsha aıyppul túrinde ákimshilik jaza qoldanyldy.
Ónerkásiptik qaýipsizdik talaptarynyń negizgi buzýshylyqtary:
- normatıvtik qyzmet merzimin ótegen tehnıkalyq qurylǵylarǵa, olardy odan ári qaýipsiz paıdalanýdyń yqtımal merzimin anyqtaý úshin saraptama júrgizilmegendigi;
- óndiristik ǵımarattardy, tehnologııalyq qurylystardy tekserý jáne dıagnostıkalaý júrgizilmegendigi;
- shahtada aýanyń ruqsat etilgen jyldamdyǵynan asatyn qazbalar paıdalanýda bolýy;
- qazbalardy buzý jáne qaıta bekitý bóliginde jeldetýdi jaqsartý boıynsha is-sharalar oryndalmaýy jáne basqalary bolyp tabylady.
Adamnyń ómiri men densaýlyǵyna, qorshaǵan ortaǵa qaýip tóndiretin buzýshylyqtar boıynsha Qaraǵandy oblysy boıynsha mamandandyrylǵan aýdanaralyq ekonomıkalyq sotqa tehnologııalyq keshenniń V1400 jolaqty konveıerin toqtata turý týraly talap aryz jiberý túrinde jedel den qoıý sharalary qabyldandy, kemshilikteri: avarııalyq (8 dana) jáne avarııaǵa deıingi (45 dana) plıtalaryn bólshekteý júrgizilmegen, sondaı-aq olardy jańa monolıtti temir/beton qabatymen aýystyrylmagan; F-1, F-2, F-3, F-4 fermalarynyń qabattasýy dánekerleýdiń kóptegen buzylýlaryna, pýrlınder men baılanystyrýshy buryshtardyń betki korrozııasynyń bolýy; qurama temirbeton jabyny monolıtti temirbeton jabynymen aýystyrylmaǵan; galereıa tirekterinde qurylymdyq elementterdiń dánekerlengen jikteri úzilgen.
Tekserý qorytyndysy boıynsha kásiporyn ókilderimen keńes ótkizildi, onda tekserý barysynda anyqtalǵan buzýshylyqtar qaraldy, olardy joıý merzimderi talqylandy, sondaı-aq Qazaqstan Respýblıkasynyń ónerkásiptik qaýipsizdik salasyndaǵy zańnamasynyń, onyń ishinde: «Kómir shahtalarynyń qaýipti óndiristik obektileri úshin ónerkásiptik qaýipsizdikti qamtamasyz etý qaǵıdalarynyń», «Júk kótergish mehanızmderdi paıdalaný kezinde ónerkásiptik qaýipsizdikti qamtamasyz etý qaǵıdalarynyń» jáne «Qysymmen jumys isteıtin jabdyqtardy paıdalaný kezinde ónerkásiptik qaýipsizdikti qamtamasyz etý qaǵıdalarynyń» talaptary túsindirildi.
"Adyrna" ulttyq portaly
