QR Prezidenttıgıne kandidat Meiram Qajykennıŋ Ūlytau oblysyndaǧy ştab qyzmetkerlerı ügıt-nasihat nauqanynyŋ soŋyna deiın öŋırdegı barlyq jūmys ūjymdarymen kezdesudı josparlap otyr. Qazırgı taŋda būl baǧyttaǧy jūmystar qarqyndy jürgızılude. Ştab qyzmetkerlerı men erıktıler kandidattyŋ ügıt paraqşalaryn taratyp, sailaualdy tūǧyrnamany tüsındıru şaralaryn jalǧastyruda. Tiısınşe ştab basşylyǧy da kün saiyn käsıporyndar men qosa basqa da ūiymdardyŋ käsıpodaqtarymen kezdesuler ötkızıp jatyr.
Bügıngı taŋda ştabta 10-ǧa juyq adam jūmys ısteidı. Oblystyŋ barlyq qalalaryndaǧy ortalyq köşelerde bilbordtar men plakattar ılıngen.
"Qazır bız ügıt-nasihat jūmystaryn jürgızıp jatyrmyz. Bızde ülken önerkäsıptık käsıporyndar şoǧyrlanǧandyqtan, bız negızınen sol kompaniia jūmysşylarymen kezdesuler ötkızemız. Bızdıŋ mındetımız – ügıt-nasihat uaqytynyŋ soŋyna deiın barlyq ūjymdarǧa baru"- dep atap öttı, oblystyq ştab basşysy Berık Jaǧyparov.
Bügıngı taŋda Respublika boiynşa 14 oblysta M.Qajykennıŋ sailaualdy ştaby aşylǧan. Basqa öŋırlerde kandidattyŋ senımdı ökılderı jūmys ısteidı. Aita keteiık el boiynşa barlyǧy 130-dan astam azamat senımdı ökıl ekenın rastaityn kuälıkterın alǧan.
