31 qazanda QR Prezidenttıgıne kandidat Saltanat Tūrsynbekova eldıŋ oŋtüstıgıne saparlady. Kandidat Şymkent qalasynda tıgın fabrikasynyŋ jūmysşylarymen kezdestı. Qūqyq qorǧauşyny tyŋdauǧa 250-den astam qyzmetker jinaldy.
Ümıtker bır mezgılde aqşa tauyp, bala ösırıp, salt-dästürdı saqtap, ırı käsıporynnyŋ jügın köterıp jürgen äielderdı maqtan tūtatynyn atap öttı.
«Gauhar» – oŋtüstıktegı jeŋıl önerkäsıptıŋ flagmany. Mūnda jūmys kiımı, mektep formasy men toqyma būiymdary ädemı, tiımdı jäne yŋǧaily tıgıledı. «Qazaqstanda jasalǧan» dep maqtanyşpen aita alatyn önımnıŋ qalai jasalyp jatqanyn köru quantady. Osyndai ırı ärı tanymal käsıporyndy äiel adam basqaryp otyrǧany, tıptı ülken quanyş. Köpşılık äieldıŋ tabysty köşbasşy bola alatynyna senbeidı. Bıraq men senemın jäne bılemın: äieldıŋ qolynan bärı keledı: zauytty da, ülken ūjymdardy da, tıptı bükıl eldı de basqara alady. Äiel-ana bır qolymen bala terbetse, bır qolymen älemdı terbetedı», - dep atap öttı ol.
Sondai-aq, fabrika basşysy käsıporynnyŋ salyqtyŋ köptıgı, bılıktı kadrlardyŋ tapşylyǧy, tūraqsyz sala jäne arnaiy oqu oryndarynyŋ jetıspeuşılıgı siiaqty mäselelerge toqtaldy.
Keiın aşyq äŋgıme aityla bastaǧanda tıgınşıler öz ūsynystary men saualdaryn ortaǧa saldy. Äielder qazaqstandyqtardyŋ tabys teŋsızdıgıne qalai alaŋdaityny turaly aitty.
Saltanat Tūrsynbekova jūmys ısteitın äielderdıŋ ömırın jaqsy jaqqa özgertkısı keletının jetkızdı.
Baiandamaşy özınıŋ sailaualdy baǧdarlamasynan üzındılermen bölıstı, onda äielderdıŋ zeinet jasyn 58 jasqa deiın qysqartudy, sondai-aq 1-2 toptaǧy mügedekter men mügedek balalarǧa kütım jasaudy, eŋ tömengı jalaqy men ömır süru deŋgeiın arttyrudy ūsynyp otyr(zeinetaqy jinaqtary, järdemaqylar men şäkırtaqylar). Köp balaly jäne qiyn ömırlık jaǧdaidaǧy otbasylardyŋ qaryzdaryn esepten şyǧaru, tolyq emes otbasylardyŋ märtebesın zaŋnamalyq tūrǧydan bekıtu, jas otbasylarǧa ipoteka alu kezındegı järdemaqylar men subsidiialardy engızu jäne t.b. ūsynystaryn aitty.
Sondai-aq ol özınıŋ eŋ auqymdy – «Tūrmystyq zorlyq-zombylyqsyz Qazaqstan» jobasyn oŋtüstıktıŋ ortalyǧy – Şymkentte bastaǧanyn atap öttı. Onyŋ küş-jıgerınıŋ arqasynda qalada bırınşı memlekettık daǧdarys ortalyǧy, sondai-aq oblystyŋ 17 auylynda otbasyn qoldau qyzmetı aşyldy.
Ümıtker otbasyndaǧy zorlyq-zombylyq tolyǧymen joiylmaiynşa - otbasyndaǧy ūryp-soǧu siiaqty janjaldar ūiat närsege ainalǧanǧa deiın onymen küresudı jalǧastyruǧa uäde berdı.
Keiın qūqyq qorǧauşy Şymkent qalalyq advokattar alqasymen kezdesu ötkızdı. Aita ketu kerek, Saltanat Tūrsynbekova qūqyq qorǧau qyzmetı aiasynda özın-özı qorǧau baptary boiynşa bas bostandyǧynan aiyrylǧan äielderdıŋ qūqyqtaryn qorǧauǧa köp küş jūmsady.
Eske salaiyq, 26 qazanda ümıtker sailau nauqany aiasynda aimaqtardy aralai bastady. Ol Qaraǧandy oblysyna bırınşı bolyp baryp, qūqyq qorǧauşylarmen, zaŋgerlermen, magistranttarmen, sarapşylarmen, qūqyq qorǧau jäne sot jüiesın reformalauǧa, mümkındıgı şekteulı jandardyŋ qūqyqtaryn qorǧauǧa atsalysqan türlı ükımettık emes ūiymdardyŋ ökılderımen, sottalǧandarmen kezdestı. Keiınırek ol tūrmystyq zorlyq-zombylyq qūrbandaryna kömektesetın daǧdarys ortalyǧyndaǧy äieldermen söilesuge de bardy.
27 qazanda qūqyq qorǧauşy Aqmola oblysynda bolyp, därıgerler men medisina qyzmetkerlerınıŋ mäselelerın tyŋdady, sonymen qatar jergılıktı daǧdarys ortalyǧynda boldy.
