«AMANAT» partiiasynyŋ janynan Mūnai-gaz salasy komitetı qūryldy

«AMANAT» partiiasynyŋ Ortalyq apparatynda Mūnai-gaz salasy komitetınıŋ alǧaşqy otyrysy öttı. Sonyŋ barysynda Komitettıŋ qūramy men erejesı bekıtıldı. Komitet töraǧasy bolyp Mäjılıstegı «AMANAT» partiiasynyŋ deputaty Ǧalym Ämıreev, al Komitet hatşysy bolyp Astana qalasyndaǧy «Petrocouncil» ökılı Ǧibrat Särsenovsailandy. Komitet qūramyna Energetika, industriia jäne infraqūrylymdyq damu, Ekologiia, geologiia jäne tabiǧi resurstar ministrlıkterınıŋ, «QazMūnaiGaz», «QazaqGaz» ūlttyq kompaniialarynyŋ, «PSA» JŞS, Mūnai jäne gaz aqparattyq-taldau ortalyǧynyŋ, «KazEnergy» qauymdastyǧynyŋ, Qazaqstan maşina jasauşylar odaǧynyŋ, «KasService», «Argus Media», «Energy Monitor», «Energy Analytics» ökılderı, sondai-aq biznes-qauymdastyqtar, täuelsız sarapşylar men taldauşylar kırdı. «AMANAT» partiiasynyŋ Hatşysy Eldar Jūmaǧaziev atap ötkendei, Komitettıŋ negızgı mındetı mūnai-gaz salasyndaǧy tüitkıldı mäselelerdı anyqtau jäne ony şeşu jolyn äzırleu, zaŋnamalyq bazany jetıldıruge bastamaşylyq etu jäne ūsynystar engızu, sondai-aq sala ökılderı men olardyŋ qyzmetkerlerınıŋ qūqyǧyn, zaŋdy müddelerın qorǧaudy qamtamasyz etu bolmaq. «Komitet aldynda mūnai-gaz salasyn damytu, sonyŋ ışınde tüitkıldı mäselelerdı şeşu jönınde auqymdy mındet tūr. Saladaǧy keibır kompaniialardyŋ jasyryn monopoliialyq jaǧdaiy, keibır ırı mūnai-gaz jobalaryndaǧy jergılıktı qamtudyŋ az ülesı, dizel otynynyŋ jyl saiynǧy tapşylyǧy jäne mausymdyq baǧa ösımı turaly bärımız bılemız. «AMANAT» partiiasynyŋ alaŋynda memlekettık organdarmen, ūlttyq kompaniialarmen, beiındı qauymdastyqtarmen jäne naryq ökılderımen bırlesıp, osy mäselelerdı şeşu jolyn qarastyramyz», – dedı komitet töraǧasy Ǧalym Ämıreev. Öz kezegınde, Qazaqstan mūnai-servis kompaniialary odaǧynyŋ töralqa töraǧasy Raşid Jaqsylyqov şeşımın kütıp tūrǧan bırqatar özektı mäselelerdı atap öttı. «Komitettıŋ salalyq jäne käsıbi qūramyn eskere otyryp, bırınşıden mūnai-gaz salasyn damytu, sonyŋ ışınde ırı mūnai-gaz jobalary boiynşa kelısımşarttardy qaita qarau jönınde naqty ūsynystar äzırleuge kırısuımız kerek. Ekınşıden, otandyq jabdyq öndırısınıŋ, saladaǧy jergılıktı IT-mamandardyŋ tapşylyǧyn nazarǧa aluǧa tiıspız. Sondai-aq, halyqaralyq kompaniialar elımızde servistık ortalyqtar aşpaidy. Sertifikattau ortalyqtary joq», – dedı ol. Sondai-aq, otyrys barysynda Komitet müşelerı tauarlar men qyzmetterdı satyp alu, salyq jeŋıldıgın ūsynu, mūnai-gaz salasyndaǧy otandyq tauarlar katalogynyŋ bolmauy syndy bırqatar mäselelerdı köterdı. Otyrys qorytyndysy boiynşa, Komitet jūmysyn zaŋ jobalau qyzmetıne, fiskaldyq preferensiialardy äzırleuge, qoldanystaǧy jäne bolaşaq mūnai-gaz jobalarynda tauarlardyŋ, jūmys men körsetıletın qyzmetterdıŋ qazaqstandyq ülesın ūlǧaitu jönındegı şaralardy ūsynuǧa şoǧyrlandyru turaly şeşım qabyldandy.