QR Parlamentı Senatynyŋ töraǧasy Mäulen Äşımbaev "Konstitusiialyq reforma Qazaqstan tarihynda jaŋa däuır bastalǧanyn" bıldıretının mälımdedı, dep jazady "Adyrna" ūlttyq portaly.
"Bügın Memleket basşysy Qasym-Jomart Kemelūly Toqaev mausym aiynda ötken respublikalyq referendumnyŋ nätijesın ıske asyru üşın qabyldanǧan bırqatar zaŋǧa jariia türde qol qoidy. Olardyŋ qatarynda «Konstitusiialyq Sot turaly», «Adam qūqyqtary jönındegı uäkıl turaly», «Prokuratura turaly» siiaqty konstitusiialyq zaŋdar bar. Osylaişa bilık tarmaqtary arasyndaǧy bailanystyŋ jaŋa ülgısın qalyptastyruǧa jäne memleket basqaru ısıne azamattardyŋ qatysuyna jol aşuǧa mümkındıkter tuyp otyr. Sondai-aq adam qūqyqtary men bostandyqtaryn qorǧau jüiesı nyǧaia tüstı. Prezidentımız atap ötkendei, konstitusiialyq reforma Qazaqstan tarihynda jaŋa däuır bastalǧanyn aiqyndaidy. Būl qadamdar soŋǧy üş jyldaǧy saiasi özgerısterdı ornyqtyryp, memleketımızdı odan ärı nyǧaitu üşın myqty negız qalady. Şyn mänınde, bügın qol qoiylǧan zaŋdar Ädılettı Qazaqstan qūrudyŋ berık qūqyqtyq ırgetasy ekenı sözsız. Aldaǧy uaqytta Parlament Senaty ädılettılık qaǧidatyna taban tırei otyryp, zaŋnamalyq jūmystardy jalǧastyra beredı", - dep jazdy ol özınıŋ feisbuk paraqşasynda.
"Adyrna" ūlttyq portaly
Ūqsas jaŋalyqtar
