Ertis-Baıan óńirindegi qazaq tildi birden-bir oblystyq gazet, ata basylym «Saryarqa samaly» «URKER-2022» ulttyq báıgesiniń jeńimpazy atandy.
Osydan 93 jyl buryn ataqty túrkitanýshy, belgili ǵalym, fılolog Beısenbaı Kenjebaev gazettiń negizin qalaǵan edi. Odan keıin de kóptegen iri tarlandar basylymda eńbek etti. Olardyń qatarynda Ázilhan Nurshaıyqov, Ramazan Toqtarov, Muzafar Álimbaev, Qabdikárim Ydyrysov bastaǵan basqa da belgili tulǵalar bar.
— Shyn máninde qazir aımaqtarda ózekti másele kóp. Óńirlik jýrnalıstıka ókilderi sol problemalardy zerttep, taldap, sarapqa salyp, qoǵam men bılik aldynda kóterýge tyrysyp jatyr. Sol aýqymdy istiń baǵasy osy syılyq bolsa kerek. Ekinshiden, bul - biz úshin amanattyń oryndalýy. Bizdi tárbıelegen aldyńǵy býyn ardager jýrnalıster bar. Bul – gazettiń damýyna zor eńbek sińirgen ardager-jýrnalısterdiń, búgingi ujymnyń, turaqty avtorlar men oqyrmandardyń barlyǵyna ortaq olja! - deıdi basylymnyń bas redaktory Nurbol Jaıyqbaev.
Qarashańyraq, Pavlodar oblystyq «Saryarqa samaly» gazetiniń bul qýanyshyna oraı ár óńirden janashyr oqyrmandardan aq tilek, jyly lebizder kóptep kelýde. Osy sanatta resmı quttyqtaýyn joldaǵan QR Parlamenti Senatynyń depýtaty Altynbek Nuhuly basylym jetistigin joǵary baǵalady.
— Ulttyq báıgede bulaısha oza shabý – barlyq aqparat quralynyń mańdaıyna jazylǵan emes. Bul tabys jeke gazettiń ǵana emes, Pavlodar oblysynyń jýrnalıstıkasynyń jetistigi, aıta bersek, tutas oblystyń qýanyshy! — dedi halyq qalaýlysy.
Búginde oblystyq basylym zaman aǵymynan qalmaı, oqyrmanǵa sapaly aqparat jetkizýdiń barlyq joldaryn tereń meńgergen. Gazettiń ǵalamtordaǵy resmı saıty men áleýmettik jelilerdegi paraqshalary da suranysqa ıe.
Basylym ujymy oqyrmanmen tikeleı jumys isteýge kóshken. El-eldi aralap, aýdan, aýyldarda zamanaýı formatta kezdesýler ótkizýde. Onyń ishinde, tanymdyq is-sharalar, konerttik, oıyn-saýyq sharalary, utys oıyndary uıymdastyrylýda. Osylaısha, órkenıetti qoǵamda baspasózdiń óz oryny bar ekenin dáleldep keledi.
Ujym aldaǵy ýaqytta da osy beleste qalyp, jetistikti eseleý úshin aıanyp qalmaq emes.
"Adyrna" ulttyq portaly
