Bügın 6 ai boiy şalǧai eldımekenderdı aralap, halyqqa tegın medisinalyq kömek körsetken «Medisinalyq poiyzdar» qaiyrymdylyq jobasynyŋ aiaqtaluyna bailanysty baspasöz mäslihaty öttı.
Jobany «Samūryq-Qazyna» AQ kompaniialar tobynyŋ atynan «Samruk-Kazyna Trust» äleumettık jobalardy damytu qory QR Densaulyq saqtau ministrlıgınıŋ qatysuymen, «Qazaqstan Temır Joly» ŪK AQ» janyndaǧy «Äleumettık jobalar qory» korporativtık qorymen bırlesıp ıske asyrdy.
Esterıŋızge sala keteiık, «Medisinalyq poiyzdar» jobasynyŋ basty maqsaty – elımızdegı sapaly medisinalyq qyzmetke qol jetkıze almai otyrǧan, şalǧaida jatqan stansiialar men olarǧa jaqyn ornalasqan eldımekenderdıŋ tūrǧyndaryn tegın medisinalyq tekseruden ötkızu.
Biyl Qazaqstannyŋ şalǧai beketterınde zamanaui diagnostikalyq jabdyqtar ornatylǧan «Salamatty Qazaqstan» jäne «Järdem» medisinalyq poiyzdarynyŋ mamandary kömek körsettı. Medisinalyq poiyzdar bükıl Qazaqstandy aralady: «Järdem» – Qyzylorda, Batys Qazaqstan, Aqtöbe, Atyrau, Maŋǧystau, Türkıstan, Jambyl oblystaryna; «Salamatty Qazaqstan» Almaty, Jetısu, Abai, Şyǧys Qazaqstan, Pavlodar, Soltüstık Qazaqstan, Aqmola, Qostanai jäne Qaraǧandy men Ūlytau oblystaryna bardy. 6 aida poiyz mamandary 147 bekettın tūrǧyndaryn demalyssyz qabyldady. Jūmys barysynda barlyǧy Qazaqstannyŋ 80 649 tūrǧynyna emdeu-konsultasiialyq qyzmet körsetılıp, onyŋ ışınde 21 867 bala qaraldy. 5 097 şaǧyn hirurgiialyq operasiia jasalyp, 26 587 adamǧa stomatologiialyq kömek körsetıldı. «Järdem» medisinalyq poiyz mamandary 59 bala sündetteldı. Medisinalyq poiyzdarda barlyǧy 389 388 därıgerlık qabyldau boldy. Joldyŋ jalpy ūzyndyǧy – 22 009 şaqyrym.
Salystyra ketsek, pandemiiaǧa deiıngı 2019 jyly jobaǧa qatysqan mamandar 273 eldımekendı aralap, 63 000-nan asa tūrǧynǧa medisinalyq kömek körsettı. Al därıgerlerge qaraludyŋ jalpy sany 209 249-dy qūrady.
«Jalpy «Samruk-Kazyna Trust» qorynyŋ 2022 jylǧa arnalǧan qaiyrymdylyq biudjetı 10 mlrd teŋgenı qūraidy. Onyŋ ışınde 9 aida 7,1 mlrd teŋge igerıldı. Būl rette el boiynşa 44 joba ıske asyryluda, onyŋ 30-y biyl Qamqorşylyq keŋestıŋ maqūldauyna ie boldy. Sol jobalardyŋ bırı – «Medisinalyq poiyzdar». Bızdıŋ Qor 760 million teŋgege juyq qarjyǧa qyzmetın tolyq qamtamasyz etken jobanyŋ arqasynda şalǧaida ornalasqan eldımeken tūrǧyndaryna tegın medisinalyq kömek körsetıldı. Bız üşın būl jobanyŋ maŋyzy zor. Öitkenı osynyŋ arqasynda halyq densaulyǧyn jaqsartuǧa, alys audandar men auyl tūrǧyndaryna qajet qyzmet türlerın qoljetımdı etuge mümkındık tudy. Men poiyz ūjymdaryna, ondaǧy därıgerlerge alǧysymdy bıldırgım kelıp otyr. Aqjoltai qūramnyŋ arqasynda köptegen el tūrǧyndary tegın ärı sapaly medisinalyq kömek alyp, ömır süru sapasy joǧarylauda», – dep atap öttı «Samruk-Kazyna Trust» äleumettık jobalardy damytu qorynyŋ bas direktory Alfiia Adieva.
Därıgerlerdıŋ aituynşa, tūrǧyndardy tekseru kezınde qant diabetı, glaukoma, lipoma, artroz, sozylmaly holesistit, sozylmaly pankreatit, allergiialyq dermatit aurulary keŋınen taralǧany baiqalǧan. Onkologiialyq aurulardan bölek, taǧy jiı kezdesetın derttıŋ bırı – insult. Tūrǧyndardyŋ arasynda nevropatolog, hirurg, köz, qūlaq jäne mūryn därıgerlerıne sūranys köp boldy.
«Eldı aralap jürgen kezde ärtürlı jaǧdaiǧa tap bolamyz. Köbıne alys jatqan eldımekenderde derttı der kezınde anyqtaityn arnaiy medisinalyq qūrylǧylar bolmai jatady, sondai-aq maman tapşylyǧy da bar. Mysaly, Batys Qazaqstanda bolǧanymyzda 76 adamnan tuberkulez dertı anyqtaldy. Sondai-aq №10 razezde qiyn jaǧdaiǧa tüsken säbige kömek körsetıldı. Auyr därejedegı küiık diagnozymen (terı transplantasiiasy) tüsken bır jarym jastaǧy balaǧa körsetılgen stasionarlyq emdeuden keiın poiyz därıgerlerı kürdelı taŋu jürgızdı. Odan bölek Begımbet stansiiasynyŋ 90 jasar tūrǧyny Şaiken Baqytjanovanyŋ üiıne baryp, ekınşı ret tekseru jürgızdık. 2019 jylǧy sapar kezınde em-dom jürgızgenbız. Biyl kelgenımızdı estıp, qyzy habarlasyp, anasynyŋ densaulyǧyn tekserıp berudı sūrady. Bız öz kezegımızde analiz alyp, nauqastyŋ jüregın tekserdık. Riza bolǧan keiuananyŋ aq batasyn da aldyq», - dep erekşe oqiǧalarmen bölıstı «Järdem» poiyzynyŋ bas därıgerı Ainūr Egınbaeva.
Elımızdıŋ soltüstık, şyǧys, ortalyq öŋırlerın aralaǧan «Salamatty Qazaqstan» därıgerlerı de jūmys barysynda ärtürlı oqiǧalarǧa tap bolǧan. Mäselen, Pavlodar oblysy Maraldy stansiiasynyŋ tūrǧynynda öte sirek kezdesetın diagnoz – dekstrokardiia bar ekenın poiyz mamandary anyqtaǧan. Būl degenımız, nauqastyŋ jüregı oŋ jaǧynda ornalasqan. Ärine, mūndai jaǧdaida em taǧaiyndalmaidy, bıraq būl aqparatty 47 jasar tūrǧyn medisinalyq poiyzda tekseru kezınde alǧaş ret bılgen. Sondai-aq Soltüstık Qazaqstanda 22 jasar qyzda «ehinokokkoz» dertı anyqtalyp, mamandar nauqasty ota jasatuǧa jıbergen.
Medisinalyq poiyzdar mamandarynyŋ kömegın alǧan taǧy bır qazaqstandyq - Güzäl Mūhamed. Özı Şymkent qalasynyŋ tumasy bolǧanymen, därıgerler qabyldauyna Atyrauda kelgen.
«Men jazda qydyryp, Atyraudaǧy Mūqyr stansiiasyna bardym. Sol jaqtaǧy tanystarymnan «Järdem» poiyzynyŋ kelgenın estıdım. Kenetten ışım auyryp, qatty mazamdy aldy. Sodan bırden poiyz mamandaryna bardym. Poiyzda UDZ-ǧa tüsırıp, analiz tapsyrdym. Jedel türde hirurg «soqyrışek» diagnozyn qoiyp, oblystyq emhanaǧa poiyz mamandary alyp bardy. Ol jerde de menıŋ diagnozymdy rastap, bırden ota jasady. Därıgerlerge, ūiymdastyruşylarǧa alǧysym şeksız», - dep öz rizaşylyǧyn bıldırdı ol.
Joba alǧaş ret 2010 jyly ıske qosylyp, 2019 jylǧa deiın jyl saiyn ıske asyrylyp keldı de, koronavirus ındetı kezınde üzılıs aldy. Osy kezeŋ ışınde «Densaulyq», «Järdem» jäne «Salamatty Qazaqstan» atty üş konsultasiialyq-diagnostikalyq poiyz Qazaqstannyŋ şalǧaida ornalasqan 1870 eldımekenın aralap, 569 530 tūrǧyn tekseruden öttı. 17 078 şaǧyn hirurgiialyq operasiia jasalyp, 148 546 adamǧa stomatologiialyq kömek körsetıldı.
