Jarkent qalasynda ornalasqan oblys äkımınıŋ būrynǧy rezidensiiasy balalardy oŋaltu ortalyǧy bolyp qaita qūryldy. Būl turaly Jetısu oblysynyŋ äkımdıgı mälımdedı, dep habarlaidy “Adyrna” ūlttyq portaly.
“Osy jyldyŋ nauryz aiynda oblystyŋ būrynǧy äkımı Qanat Bozymbaev Jarkent qalasyndaǧy rezidensiiany balalardyŋ qajettılıkterıne paidalanudy tapsyrdy. Ǧimaratty qaita jöndeuge 80 mln teŋge jūmsaldy. Bır qabatty ǧimarattyŋ kölemı – 910 şarşy metr. Ol 1 gektar jer uchaskesınde ornalasqan. Endı jaŋa oŋaltu ortalyǧy montesorri, sensorlyq, fizioterapiia, emdık dene şynyqtyru, defektolog jäne logoped, gidromassaj jäne massaj, emşara kabinetterımen, akt zalymen jäne eŋbekke oqytu bölmesımen jasaqtalǧan”, – delıngen habarlamada.Ortalyqty aşu oblystyŋ būrynǧy äkımınıŋ Panfilov audany tūrǧyndarymen kezdesuınen keiın şeşılgen bolatyn. Sol kezde ol ǧimarat pen uchaskenı mügedektıgı bar balalardyŋ ömırı men densaulyǧy üşın küresuge kömektesetın maŋyzdy nysanǧa ainaldyru kerektıgın aitqan edı.
Ūqsas jaŋalyqtar
