"Qarausyz qalǧan". Şymkenttegı toǧannan ekı büldırşınnıŋ mäiıtı tabyldy

Şymkentte toǧannan  ekı büldırşınnıŋ denesı tabyldy. Olar ata-anasy tarapynan qarausyz qalǧan, dep habarlaidy "Adyrna" ūlttyq portaly.  Baqylausyz qalǧan büldırşınder toǧanǧa tüsıp ketken.Qaratau audany, Geologtar saiajaiyndaǧy kanal suynan 2 jasar büldırşınnıŋ mäiıtı tabyldy. Tereŋdıgı 50 sm, enı 1,5 metr bolatyn suaru kanalyna tüsken tūrǧyndar 2021 jyly tuǧan balanyŋ denesın alyp şyqty. Ekınşı jazataiym oqiǧa Abai audany, Almaty tas joly boiynda bolǧan. Köşeden ötıp bara jatqan adamdar qalalyq tazartu jüiesınen bır jastaǧy qyzdyŋ mäiıtın körıp qalǧan. Tazartu jüiesınıŋ tereŋdıgı 40 sm, enı 1 metrdı qūraidy.

«Ekı jaǧdaida da büldırşırder ata-anasynyŋ qarauynsyz qalǧan. Sondyqtan ata- analardan balaryn qarausyz qaldyrmaudy sūranamyz!»-delıngen Şymkent qalasy TJD qoǧammen bailanys toby taratqan aqparatta.

Jurnalist Aigül Bolathanqyzy osyndai jaittardyŋ köbeiıp ketkenın aityp, balalardyŋ syrtqy ortada qarausyz qalatynyn söz etıp, kei ana-analardy äleumettık jelıde synǧa aldy:

- Bala zorlandy degendı jiı estimız ǧoi. Däl qazır tüngı 12-den asty. Körşı aulada qyşqyryp şyŋǧyryp kışkentai balalar oinap jür (?). Zorlasa da, öltırıp ketse de janym aşymas edı mūndai balaǧa da, äke-şeşesıne de. Şynym! Şyǧyp äkesıne tanytyp keleiın desem, anau jaqta ärı erınıp tūrmyn. Sol auladaǧy üilerdıŋ ülkenderı tügel qyrylyp qalǧan ba, täit deitın bırı joq. Al ne deisıŋ? - dedı jurnalist.

P.S. "Adyrna" ūlttyq portaly barşa ata-analardyŋ sergek boluyn, balalaryna köz qyryn salyp, baqylap jürudı ötınıp sūraidy.

"Adyrna" ūlttyq portaly