Memleket basshysy Qasym-Jomart Kemelulynyń tapsyrmasy negizinde Almaty qalasynyń Jetisý aýdanynda 160 orynǵa arnalǵan sý jańa balabaqshanyń irgetasy qalanyp bastaldy, dep habarlaıdy «Adyrna» tilshisi.
Eserińizde bolsa, Prezıdent Qasym-Jomart Toqaev Qazaqstan halqyna Joldaýynda 2025 jylǵa deıin alty jasqa tolmaǵan balalardy mektepke deıingi bilimmen 100% qamtýdy tapsyrdy.
Osy pármenniń aıasynda Almaty mańynda mektepke deıingi uıymdar qurylysy qarqyn alýda. Bul týraly shahar basshysy Erbolat Doseav Jetisý aýdanynyń turǵyndarymen ótkizgen kezdesýinde aıtqan edi.
Búgingi tańda Jetisý aýdanyndaǵy 2 balabaqshaǵa oryn tapshylyǵyn qysqartý maqsatynda kúrdeli jóndeý jumystary júrip jatyr.
«Mektepke deıingi uıymdardaǵy oryn tapshylyǵyn qysqartý maqsatynda 440 oryndyq 2 balabaqshanyń qurylys-montajdaý jáne jobalaý jumystary júrgizilýde. «Aınabulaq-4» shaǵynaýdanynda 160 oryndyq balabaqshanyń qurylysy bastaldy. Qurylysy kelesi jyldyń maýsym aıynda aıaqtalady. Osy jyldyń maýsym aıynda jeke menshikte bolǵan eki qabatty ákimshilik ǵımarat satyp alyndy. Qazirgi ýaqytta 280 oryndyq balabaqshany kúrdeli jóndeý úshin jobalaý-smetalyq qujattama ázirlenýde. Jobalaý jeltoqsanda aıaqtalyp, qurylysy 2023 jyldyń I toqsanynda bastalady. Bul mektepke deıingi mekemege Ratýshnyı-Qazybaev-Serikov-Rysqulov kóshelerinde turatyn balalar bara alady», – dedi qala ákimi Erbolat Dosaev.
