Feisbuk qoldanuşysy Säbit Bäitenov öz paraqşasynda Qazaqstan aumaǧyna kelgen reseilıkterdıŋ dını kıtaptar taratyp, el sanasyna syna qaǧyp jürgenın habarlady. Avtor qolyna dıni kıtap ūstap, köşe kezgen şeteldıkpen ūşyrasqan. Özın reseilıkpın dep tanystyrǧan azamat qazaqstandyqtarǧa baqytqa jetu ūstanymdaryn üiretıp jürgenın aitady. Būl jaitty "Adyrna" ūlttyq portaly baiandaidy.
"Resei azamattary elımızde QR Dın ıster komitetı maqūldamaǧan kıtapty taratyp, öz dınderıne şaqyryp jür. Keşe bolǧan oqiǧa. 102-ge habarlastym, olar kelmei tūryp, men alaŋsyz tūrǧan sätımdı paidalanyp qolymdaǧy kıtabyn jūlyp alyp qaşyp kettı. Poliseiler kelıp, aryzymdy alyp qaldy. Osy ıstı dın ısterımen ainalysatyn bölımge tapsyrdyq dedı. Tolyq videonūsqany poliseilerge jıberdım. Nätijesın kütemız. Taratuǧa kömektesseŋızder, būl oqiǧa tiıstı organdardyŋ nazaryna ılıgıp kınälı adamdy ūstap alar" - dep jazdy Säbit Bäitenov.
View this post on Instagram
Avtor videoda dıni nasihatqa qūlaş ūrǧan azamatqa eskertu jasap, barlyq ıs-äreketınıŋ zaŋdyq negızde boluyn talap etedı. Qazaqstanda resmi, zaŋdyq tūrǧyda tırkeluı tiıs ekendıgın ūǧyndyrady.
Video tiıstı mekemelerge joldandy. Qazır qūzyrly organdar būl mäselemen arnaiy türde ainalysyp jatyr.
Eske sala keteiık, bızdıŋ elımızde dıni nasihat tek qūlşylyq oryndarynda rūqsat etılgen. Özge eldıŋ azamattary bızdıŋ elımızde missionerlıkpen ainalysqysy kelse, mındettı türde tırkeuden, tekserısten ötuı tiıs. Sonymen qatar, missionerlerdıŋ ūsynatyn kıtaptary Dın ısterı komitetınıŋ saraptamasy negızınde maqūldanuy qajet.
"Adyrna" ūlttyq portaly
Ūqsas jaŋalyqtar
#dıni_ekstremizm
dın ısterı
sekta
Reseilıkter
radikaldy toptar
mobildı top
dıni kıtaptar
qazaqstan dın ısterı
dın komitetı
