Feısbýk qoldanýshysy Sábıt Báıtenov óz paraqshasynda Qazaqstan aýmaǵyna kelgen reseılikterdiń dini kitaptar taratyp, el sanasyna syna qaǵyp júrgenin habarlady. Avtor qolyna dinı kitap ustap, kóshe kezgen sheteldikpen ushyrasqan. Ózin reseılikpin dep tanystyrǵan azamat qazaqstandyqtarǵa baqytqa jetý ustanymdaryn úıretip júrgenin aıtady. Bul jaıtty "Adyrna" ulttyq portaly baıandaıdy.
"Reseı azamattary elimizde QR Din ister komıteti maquldamaǵan kitapty taratyp, óz dinderine shaqyryp júr. Keshe bolǵan oqıǵa. 102-ge habarlastym, olar kelmeı turyp, men alańsyz turǵan sátimdi paıdalanyp qolymdaǵy kitabyn julyp alyp qashyp ketti. Polıeıler kelip, aryzymdy alyp qaldy. Osy isti din isterimen aınalysatyn bólimge tapsyrdyq dedi. Tolyq vıdeonusqany polıeılerge jiberdim. Nátıjesin kútemiz. Taratýǵa kómektesseńizder, bul oqıǵa tıisti organdardyń nazaryna iligip kináli adamdy ustap alar" - dep jazdy Sábıt Báıtenov.
View this post on Instagram
Avtor vıdeoda dinı nasıhatqa qulash urǵan azamatqa eskertý jasap, barlyq is-áreketiniń zańdyq negizde bolýyn talap etedi. Qazaqstanda resmı, zańdyq turǵyda tirkelýi tıis ekendigin uǵyndyrady.
Vıdeo tıisti mekemelerge joldandy. Qazir quzyrly organdar bul máselemen arnaıy túrde aınalysyp jatyr.
Eske sala keteıik, bizdiń elimizde dinı nasıhat tek qulshylyq oryndarynda ruqsat etilgen. Ózge eldiń azamattary bizdiń elimizde mıssıonerlikpen aınalysqysy kelse, mindetti túrde tirkeýden, tekseristen ótýi tıis. Sonymen qatar, mıssıonerlerdiń usynatyn kitaptary Din isteri komıtetiniń saraptamasy negizinde maquldanýy qajet.
"Adyrna" ulttyq portaly
