Prezidenttıkke kandidat Saltanat Tūrsynbekova sailaualdy ügıt-nasihat nauqanyn Maŋǧystau oblysynda jalǧastyruda, dep habarlaidy «Adyrna» tılşısı «Habar 24»-ke sılteme jasap.
Bügın ol Aqtauǧa at basyn būryp, Ana üiıne bardy. Kandidat ortalyqta kömek alyp jatqan äieldermen kezdesıp, sailaualdy baǧdarlamasyn tüsındırdı. Analardyŋ sūraqtaryna jauap berıp, qordalanǧan mäselelerın talqylady. Aqtaudaǧy būl ortalyq 2015 jyldan berı jūmys ıstep keledı. 7 jyldyŋ ışınde Ana üiınen 100-den astam äiel men 300-ge juyq bala kömek alǧan.
«Jyl ötken saiyn alimentke qaryzdar köbeiıp barady. Elımız boiynşa sot oryndauşylarynda jüzdegen myŋ ıster bar, qaryzdar milliardtaǧan teŋgenı qūraidy. Ötken jyly 150-den astam adam bas bostandyǧynan aiyryldy. Sonymen qatar, aliment tölemeitın adamǧa qatysty qylmystyq ıs qozǧalǧan kezde, ol azdaǧan somany, aitalyq, bes myŋ teŋgenı tölep, jauapkerşılıkten jaltaryp qaluy jiı kezdesedı»,—dedı QR Prezidenttıgıne kandidat.
