Túıe sharýashylyǵyn jandandyryp júrgen kásipker Ótemis Mahanov týraly aýyldasy Ábilqasym Imam Musauly “Adyrna” ulttyq portalyna aıtyp bergen bolatyn. Ol kásipkerdiń ótirik aıtpaıtynyn, halyqqa kóp jaqsylyq jasap, meshit salyp bergenin de aıtqan edi. Sol meshitke ımam etken Abdollauly Ámıdolla da redakııamyzǵa vıdeo joldady.
Onyń aıtýynsha, Ótemis Mahanovtyń meshit salǵany men ony ımam etip taǵaıyndaǵany ras.
“Almaty oblysy Balqash aýdany Baqanas aýylyndaǵy Ospanqoja ata meshitiniń ımamymyn. Vıdeoǵa túsirýdegi sebebim - jaqyn arada Ábilqasym aǵanyń vıdeosyn kórdim. Sol jerde aýyldyń ımamy bolǵan dep meniń atymdy aıtty. Men 1993 jyly otbasymmen Iran ıslam respýblıkasynan kóship keldik…
Meni quran oqyǵanymdy baıqap qalyp, Ótemis aǵamyz meni ákemnen surap, meshitine “ımam bolsyn” dedi. Sol kezde kóp adamǵa kómek qolyn sozdy”,- dedi ımam.
Sondaı-aq, Ótemis Mahanov ımam Ámıdollaǵa qazaq tilin úırenýge septigin tıgizgen. Odan bólek, meshittiń barlyq jaǵdaıyn jasap, kitaptarmen qamtamasyz etken. Imam kásipkerden jaqsylyǵyn eki dúnıede de umytpaıtynyn atap ótti.
Sóz sońynda ımam QMDB-nyń tól kompanııasymen qajylyqqa barsańyz, jaqsy qyzmet jasaıtynyn aıtyp, qajylyqqa osy kompanııamen barýǵa shaqyrdy.
Aıta keteıik, halyq arasynda rezonans týdyrǵan suhbattan keıin Ótemis Mahanovty “dinbuzar” dep ataǵandar da boldy.
