Mektep ol – bilim ordasy. Sol sııaqty mektep bolsyn, dinı ortalyqtar bolsyn, balalardy mektepke deıingi daıarlaıtyn arnaıy qosymsha bilim berý mekemeleri bolsyn, ár nárse óz ornynda turyp, ár mekeme óziniń isin durys atqarýy kerek. Sonda ǵana biz alǵa jyljımyz.
Búgingi kúni bilim oshaqtarynda dinı sharalar ótip turatyny jasyryn emes. Onyń ishinde din mamandarymen kezdesý, semınar, konferenııa, dóńgelek ústel syndy jumystardyń uıymdastyrylýy. Oqý oryndarynda mundaı sharalardyń ótýi oqýshylardyń, jastardyń dinı saýattylyǵyn kóterý qajettiligine saıady. Sonymen birge tanymdyq, aǵartýshylyq baǵytta jáne búgingi jahandaný zamanynda zaıyrly qoǵamdaǵy túrli kózqarastar men pikirlerdi qurmettep, dinı ekstremıstik, terrorshyl is-árekettiń aldyn alýdy kózdeıdi. Túrli dinı senim-nanymdar men kózqarastardy bir jerde toǵystyratyn kópultty elimizde, búgingi zaıyrly qoǵamda azamattardyń ózara birligi men tatýlyǵyn, yntymaqty ómir súrýin, eldiń tynyshtyǵyna zııan keltirmeıtindeı etip rettep otyrý qajet.
Qazir dinı aǵymdardyń nasıhattalýy, radıkalızmniń taralýy qarqyndy túrde júrip jatyr. Tipti, esh shekteýsiz, ashyqtan-ashyq teris aǵymdardy dáripteý qareketteri oryn alýda. Buǵan túrli sebep-saldardy qarastyrýǵa bolady. Áýeli, elimizdegi keı áleýmettik jelilerdiń shekteýsiz ári suryptaýsyz, jeleń aqparattardy súzgiden ótkizbeı usynýy da negizgi faktorlardyń biri. Osy tusta, memleket tarapynan dinı toptardy ıakı jeke tulǵalardyń teris dinı aǵymdardyń nasıhatyna zerdeleý jumystaryn júrgizip otyrýy boıynsha
2013 jyly «Dinı ekstremızm men terrorızmge qarsy is-qımyl» jónindegi memlekettik baǵdarlama qabyldanǵan bolatyn. Negizgi maqsatynyń biri – bilim ordalarynda jastar arasynda radıkaldy dinı ıdeologııanyń taralýyna qarsy kúres júrgizý. Oqýshylardy teris pıǵyldy dinı aǵymdardan saqtaý, dástúrli dinge salaýatty kózqarasyn qalyptastyrý. Óz kezeginde memleket tarapynan mundaı jumystardyń atqarylýy óskeleń qaýymnyń durys baǵyttan jańylmaýy men sanasynyń dinı turǵydan azyqtanýyn jedeldetedi.
Bul jóninde mamandar syrttan kelgen dinı teris pıǵyldy toptardyń aldyn alý, jastarǵa din uǵymynyń mánin ashyp, saýat deńgeıin arttyrý maqsatynda jáne din men memleket arasyndaǵy qarym-qatynasty belgili júıege keltirý qajettiginen oqý oryndarynda dinı sharalar ótkizý zańǵa qaıshy emes ekenin alǵa tartady. QR Konstıtýtııasynda bilim berý júıesinde dinı birlestikterden din qyzmetkerleri kelip, dinı nasıhat júrgizýge tyıym salynǵany jazylǵan. Al memleket tarapynan oqý oryndarynda tárbıelik baǵytta din uǵymyn túsindirý, jas urpaqty teris aǵymdarǵa ermeýge shaqyrýǵa qatysty konferenııa, sımpozıým, dóńgelek ústelder, ashyq sabaq, forýmdar, kezdesýler ótkizý zańǵa qaıshy emes.
Jalpy mektepterde dinı rásim uıymdastyrý, sony arqaý etip jastardy teris aǵymdardyń kúshinen saqtaý syndy jumystardyń ótýin kózimiz shalyp júr. Mektep qabyrǵasyndaǵy oqýshy býynnyń sharıǵat haqysynda biletin saýaty kemshin ekeni anyq. Qanaty qataımaǵan jastardyń zerdesin ýlap, teris aǵymnyń arnasyna ońaı túsirý – belgisiz din toptarynyń negizgi mıssııasy. Olar osy ádis-áreket arqyly jastardy dinı sahnanyń jeńil tetigi etedi. Mektepterde taptaýryn túsinikterdi buzyp, oqýshy qaýymnyń dinı saýatyn arttyrý úshin osyndaı amaldardyń jasalýy qos qoldap quptarlyq dúnıe. Biz dindi durys jaǵynan nasıhattaý arqyly erteńgi kúni elimizdi syrtqy dinı qaýipterden, radıkalızmniń keseldi apattarynan saqtaımyz.
Toqsan aýyz sózdiń tobyqtaı túıini, din jáne ult – egiz uǵym. Zaman talabyna saı qazirgi tańda ǵylym men bilimge kóp kóńil bólý kerek. Memlekettiń bolashaǵyn oılasaq, teńdik pen erkindikti berik qoldaý hám qorǵaý asa mańyzdy.
«Adyrna» ulttyq portaly
