Jambyl oblysynda tonnalaǧan altyn kenı bar jerasty sehy anyqtaldy. Altyn şyqqan jerdı belden qazǧan tūrǧyndar ony yŋ-şyŋsyz tonap kelgen. Polisiia qyzmetkerlerınıŋ habarlauynşa, qazır 37 jastaǧy jergılıktı tūrǧyn ūstaldy.
Jerasty sehy şikızatty, qūramynda baǧaly metaldary bar tastardy öŋdeumen ainalysady. Sonymen qatar jeke tūrǧyn üi ırgesınen elektrlı ūsatqyş diırmen, ūsaqtalǧan ruda qaldyqtary, eleuış, magnit, tau jynystaryn tasymaldaityn arbalar, kürekter, synap qosylǧan sūiyqtyq, ekı ülken qazandyq jäne 10 tonnaǧa juyq altyn kenı tabyldy.
Qoimada ekı er adam iesıne qaltqysyz jūmys ıstegen.
Qazır QR Qylmystyq kodeksınıŋ 295-baby, 1-bölıgındegı "Baǧaly metaldar men asyl tastardyŋ, qūramynda baǧaly metaldar bar şikızattyŋ zaŋsyz ainalymy" boiynşa sotqa deiıngı tergeu bastaldy.
- Memleketke keltırılgen şyǧyn älı anyqtalyp jatyr. Bırqatar qajet saraptamalar taǧaiyndaldy, - dep qorytyndylady polisiia.14 qaraşada Abai oblysy Jarma audanyndaǧy Edılbai uchaskesınde de qūramynda altyny bar kennıŋ zaŋsyz öndırılgenı habarlanǧan edı. Jarmadaǧy qylmystyq top müşelerınıŋ arasynda şeteldıkter de bolǧan.
"Adyrna" ūlttyq portaly
Ūqsas jaŋalyqtar
