"Ärqaşan jıgerlı bolyŋyzdar": Ministr studentterdı töl merekesımen qūttyqtady

2993
Adyrna.kz Telegram
https://adyrna.kz/content/uploads/2022/11/315309424_10159270964452998_5767519489280665588_n.jpg
QR Ǧylym jäne joǧary bılım ministrı Saiasat Nūrbek 17 qaraşa - Halyqaralyq studenttermen künımen qūttyqtap, studenttık şaqtaǧy suretterımen bölıstı. Būl turaly "Adyrna" ūlttyq portaly jazady.
"Bügın - Halyqaralyq studentter künı! Osyǧan orai elımızdegı barşa studentter qauymyn merekemen qūttyqtaimyn! Otandyq joǧary oqu oryndarynda bılım alyp jatqan 600 myŋnan astam studentke memleket tarapynan jan-jaqty qoldau körsetılıp keledı. Keşe ǧana Ǧylym jäne joǧary bılım ministrlıgı janynan qūrylǧan Studentter Keŋesınıŋ I otyrysy öttı. Oǧan universitetterdegı 80-nen astam studenttık ūiym jetekşılerı kırdı. Basqosuda jastar studenttık özın-özı basqarudy odan ärı jetıldıru, "100 köşbasşy" siiaqty jobalardy damytu, "Studentterdı qoldau ekojüiesın" qalyptastyru aiasynda studentterdıŋ ūlttyq odaǧyn qūru jäne taǧy basqa ūsynystaryn aitty. Student jastar da öz köşbasşylarynyŋ bastamalaryn qoldaitynyna jäne josparlanǧan jobalardy ıske asyruǧa belsendı qatysatynyna senımdımın. Men qazırgı jastardyŋ dünietanymyna ülken qūrmetpen qaraimyn. Ärqaşan ızdenımpaz, köŋıldı jäne jıgerlı bolyŋyzdar. Öz küşterıŋızge senıp, qiyndyqtardy eŋsere bılseŋızder jarqyn bolaşaqqa jol aşylady. Äigılı amerikalyq filosof jäne qoǧam qairatkerı Ralf U.Emerson aitqandai "Älem qaida bara jatqanyn bıletınderge esıgın aiqara aşady".Sondyqtan sızderge sättılık tıleimın!  Bügıngı merekege orai, qyzyǧy men şyjyǧy mol studenttık şaqtan estelık bolsyn dep, suretterımdı jariialadym. Būl bastamamdy ärıptesterım Darhan Qydyrälı, Ashat Aimaǧambetov pen Baǧdat Musin de qoldaidy dep oilaimyn. Būny challenge dep esepteŋızder", - dep jazdy ministr özınıŋ feisbuk paraqşasynda.

"Adyrna" ūlttyq portaly 

Pıkırler