Memleket basşysy Qasym-Jomart Toqaev «Qazaqstan Respublikasy Prezidentınıŋ janyndaǧy Ǧylym jäne tehnologiialar jönındegı ūlttyq keŋestı qūru turaly» Jarlyqqa qol qoidy. Būl turaly Aqordanyŋ baspasöz qyzmetı jazdy, dep habarlaidy «Adyrna» tılşısı.
Keŋestıŋ qūryluy ūlttyq ǧylymi jüienı basqaru ısın jetıldıruge jäne Qazaqstan Respublikasynyŋ ǧylym jäne ǧylymi-tehnikalyq qyzmet salasyndaǧy memlekettık saiasatty odan ärı damytudyŋ basym baǧyttaryn aiqyndau boiynşa ūsynymdar äzırleuge yqpal etedı.
Qazaqstan Respublikasy Prezidentınıŋ janyndaǧy Ǧylym jäne tehnologiialar jönındegı ūlttyq keŋestıŋ qūramy men erejesı osy Jarlyqpen bekıtıldı. Keŋes qūramyna halyqaralyq deŋgeide tanylǧan, ǧylymi-zertteu belsendılıgı joǧary, ǧylymnyŋ basym baǧyttarynda eŋbek etetın akademikter men ǧalymdar endı.
Sondai-aq keŋes qūramyna Berkli kosmologiialyq fizika ortalyǧynyŋ fizika jäne astrofizika professory, Nobel syilyǧynyŋ laureaty Djordj Fisdjerald Smut III (AQŞ), sondai-aq älemnıŋ jetekşı ǧylymi ortalyqtarynda ǧylymi-zertteu jūmystarymen ainalysatyn bırqatar otandasymyz kırdı.
Sonymen qatar ǧylymi, ǧylymi-tehnologiialyq jäne innovasiialyq saiasatty jüzege asyruǧa jauapty Ükımet müşelerı keŋes qūramyna endı.
Otandyq jäne şeteldık jetekşı ǧalymdardyŋ Ūlttyq keŋeske müşe boluy Qazaqstan ǧylymyn damytuda perspektivtı jäne strategiialyq maŋyzdy şeşımder qabyldauǧa oŋ septıgın tigızedı.
Ūqsas jaŋalyqtar
