Bıyl qyrkúıek aıynda ótken Álemdik dinder ókilderiniń sezine qatysqan, Beıbitshilik pen konfessııaaralyq dıalogty ilgeriletý jónindegi halyqaralyq musylman uıymy - Musylman aqsaqaldar keńesiniń (BAÁ) bas hatshysy Muhamed Mahmud Abdelsalam álemdegi qazirgi jaǵdaıdaǵy Qazaqstannyń áreketterine qatysty pikirin bildirdi.
Bul týraly ol «M.Narikbayev Public lecture» jobasy aıasyndaǵy dárisinde aıtty. Álemdik dinder sezin ótkizgeni úshin Qazaqstan memleketine alǵys aıtyp, beıbitshilik qurý dıalogyn ornatýdaǵy ustanymyna rızashylyǵyn bildirdi.
«Reseı men Ýkraına arasyndaǵy bolyp jatqan soǵys búkil álemge saıası jáne ekonomıkalyq turǵydan keri áserin tıgizýde. Álemde túrli soǵystar ótip jatqanyna qaramastan, Qazaqstan Prezıdenti Qasym-Jomart Toqaev dál osy ýaqytta konferenııany tabandylyq tanytyp ótkizýi beıbitshilikti shynaıy turǵyda qoldaıtynyn kórsetedi. Qazaqstan memleketi 20 jyldan beri Astana qalasynda beıbitshilikke baǵyttalǵan sharalardy uıymdastyryp keledi. Álemge beıbitshilik ustanymyn taratýda. Ony qarapaıym nárse dep qabyldamaý kerek, bul óte mańyzdy, ásirese beıbitshilik ornatýda. Ortalyq Azııa aımaǵynda Qazaqstan Respýblıkasyn beıbitshilikti qoldaýshy el ekenine kózimiz jetti», - dedi Musylman aqsaqaldar keńesiniń bas hatshysy Muhamed Mahmud Abdelsalam.
Muhamed Mahmud Abdelsalam beıbitshilik ıdeıalaryn ilgeriletý, birlikte ómir súrý mádenıetin taratý, toleranttylyq pen tatý kórshilik ádisterimen bólisti. Sonymen qatar, *Musylman aqsaqaldar keńesi men M.Nárikbaev atyndaǵy KAZGIýÝ Ýnıversıteti arasyndaǵy yntymaqtastyq týraly memorandýmǵa qol qoıyldy. Memorandým bilim berý jáne ǵylymı qyzmet salasyndaǵy yntymaqtastyqty arttyrýǵa baǵyttalǵan.
Musylman aqsaqaldar keńesi – beıbitshilikti ilgeriletýge jáne dıalog pen toleranttylyq qundylyqtaryn bekitýge baǵyttalǵan táýelsiz halyqaralyq uıym. Bul uıymdy Ál-Azhar sheıhy, Bas ımam Ahmed át-Taııb basqarady jáne onyń quramyna áıgili ıslam ǵalymdary kiredi.
