QR Prezidenttıgıne Kandidat Meiram Qajyken Şymkenttegı Oŋtüstık Qazaqstan memlekettık pedagogikalyq universitetınde boldy. Mūnda JOO studentterımen jäne oqytuşylarymen kezdesu ötkızdı.
Bılım aluşylar kandidatqa şynaiy qyzyǧuşylyq tanytyp, sūraqtar qoiya, belsendılık tanytty. Olar bılım beru, mädeniettı damytu, saiasat pen qatar ekonomika men ūlttyq qauıpsızdık taqyryptaryn da köterdı.
M. Qajyken oŋtüstık oblystardyŋ äleumettık-ekonomikalyq damuy üşın, sondai-aq eldıŋ qorǧanys qabıletın arttyru üşın äskeri jäne azamattyq tehnika öndırısı jolǧa qoiylǧan quatty äskeri-önerkäsıptık keşen qūru qajet ekenın atap öttı.
"Taraz ben Şymkent arasynda Tülkıbas kentı bar. Onda sız ülken tehnologiialyq klaster jasai alasyz. Bız qazır halyqaralyq jaǧdaidyŋ qandai ekenın köremız: Resei men Ukraina arasyndaǧy soǧys, oŋtüstıktegı körşıler bärı tynyş emes. Bız öz tynyştyǧymyzdy qorǧai bıluımız kerek. Qaruymyzdy jasaityn uaqyty keldı. Mūny Tülkıbasta jasauǧa bolady. Ol üşın öndırıs damuy kerek. Taraz ben Şymkentte himiialyq, temırbeton jäne metall önımderın öndıretın käsıporyndar bar. Klasterdıŋ arqasynda jūmys oryndary tabylady. Eger sız jaqsy zamanaui klasterdı aşa alsaŋyz, onda qaru-jaraq zamanaui bolady. Meıŋ oiymşa – bolaşaqta osyndai öndırıstı qūru kerek", - dedı kandidat.
M.Qajyken aituynşa, būl klasterde, himiia, biologiia, fizika, injeneriia pänderın oqityn studentter jūmys ıstei alar edı. Öitkenı būl baǧyttardyŋ barlyǧy önerkäsıptık-tehnologiialyq klasterdıŋ aşyluy men jūmys ısteuı üşın qajet.
Ümmıtker jiynda jas ūrpaqqa, olardyŋ küşıne jäne qalyptasqan älemdı özgertuge degen senımın bıldırdı.
"Jastar barlyq uaqytta eresekterden erekşelendı. Sız bızden özgeşesız. Sızde aşyq közqaras bar, sızde qorqynyş joq. Būl joldan taimaŋyz. Älemge aşyq bolyŋyz, jasyrynbaŋyz. Bolaşaqta sız de jastardy oqytyp, olarǧa bılım men täjıribe beresız", - dep qosty ol.
Ümıtker özınıŋ saiasi baǧdarlamasynda jastarǧa ülken basymdyq jasaidy. Onyŋ aituynşa, qazır jastar üşın qoǧamnyŋ barlyq salalarynda qajettı jaǧdailar jasau qajet.
"Men Prezident bolǧan kezdegı mındetım-sızderge esık aşu, mümkındıkter beru. Jastardy aldau mümkın emes, Men oǧan studenttermen kezdesken saiyn kközım jetedı. Sondyqtan men olarǧa şyndyqty aitamyn", - dedı M.Qajyken.
Ol sondai-aq tūrǧyn üimen qamtamasyz etu, jalaqyny, zeinetaqyny, äleumettık tölemderdı arttyru, medisina sapasyn jaqsartu mäselelerın de ainalyp ötpedı.
Studentter ümıtkerden prezidenttıktıŋ bırınşı künınde ne ıstegısı keletının sūrady. "Ärine, men käsıpodaq mäselelerın şeşemın. Olar menı alǧa tartty, men olardyŋ senımın aqtauym kerek. Būl tūrǧyda menıŋ mındetım – barlyq taraptardyŋ-eŋbekşılerdıŋ, jūmys beruşılerdıŋ jäne memlekettıŋ müddelerın saqtai otyryp, teŋ qūqyqtarmen äleumettık ärıptestık institutyn qūru", - dedı Meiram Qajyken.
