Taldyqorǵan qalasyndaǵy Nazarbaev Zııatkerlik mektebiniń oqýshylary Birikken Arab Ámirlikterinde djıý-djıtsýdan álem chempıony atandy.
Ańsar Nesipqalı, Kabır Álimhanov, Aıat Mamanov altyn, kúmis, qola medaldaryn jeńip aldy.
Ashyq chempıonat Abý-Dabıde ótti. Úzdik ataǵyna álemniń túkpir-túkpirinen bes myńnan astam sportshy kúresti.
5-synyp oqýshysy Ańsar Nesipqalı úshin mundaı aýqymdaǵy chempıonat birinshi emes. Ańsar jeńiske jetetine esh kúmándanbady. Jas sportshy ótken jyly Máskeýde de óner kórsetip úlgerdi.
Men djıý-djıtsýmen tórtinshi jyl aınalysamyn, túrli jarystarǵa qatysyp kelemin. Bul beldesýde bes jekpe-jek ótkizdim. Meniń básekelesterim Ázirbaıjan, Iran, BAÁ elderinen kelgen djıtserler boldy. Bárin de jeńip, altyn medalǵa qol jetkizdim, – deıdi Ańsar chempıonymyz.
4-synyp oqýshysy Kabır Álimhanov kúmis medalmen oraldy. Halyqaralyq chempıonatqa alǵash ret qatysyp, úzdik úshtikke endi.
Men umytylmas emoııalardy bastan ótkerdim. Osy jeńisimdi, qýanyshymdy anama arnaımyn. Bizdi daıyndaǵan bapkerlerime úlken alǵysymdy aıtamyn. Qatty tyrystym, kelesi jyly budan da jaqsy nátıje kórsetemin degen úmittemin, - deıdi suhbatynda djıtser Kabır.
Jetistikter qazynasyna Nazarbaev Zııatkerlik mektebiniń taǵy bir 4-synyp oqýshysy Aıat Mamanov óz úlesin qosty. Aıat osy chempıonatta qola júldeger atandy.
Bizdiń oqýshylardyń halyqaralyq arenadaǵy óneri qazirdiń ózinde úlken jetistik dep esepteımin. Áriptesim Ernur Nurmuhanov ekeýmiz barynsha úzdik nátıjege umtylamyz. Sondyqtan, djıý-djıtsýdan mekteptegi daıyndyqpen qatar, balalar aptasyna eki ret qalanyń sport sekııalarynda jattyǵady. Bul chempıonatta bizdiń jigitter baǵa jetpes tájirıbe men bolashaq jeńisterge motıvaııa aldy dep oılaımyn, - mektep jattyqtyrýshysy Aıdos Dúısentaev óz pikirimen bólisti.
Nazarbaev Zııatkerlik mektebiniń djıý-djıtsý úıirmesi 2013 jyldan beri jumys isteıdi. Osy jyldar ishinde talaı oqýshylar halyqaralyq, respýblıkalyq jarystarda chempıon atandy. Jarqyn mysal retinde «Astana Open» halyqaralyq grepplıng týrnıriniń jeńimpazdary, qazir mektep túlekteri Ernar Ómirzaqov pen Vladımır Kandy aıtýǵa bolady. Endi estafeta kezegi NZM-niń ǵana emes, álem chempıony atanǵan Ańsarǵa, Kabırge, Aıatqa tapsyryldy.
