Túrkııada 6 baldyq jer silkinisi bolyp, 35 adam zardap shekti, dep habarlaıdy “Adyrna” ulttyq portaly.
Epıentri Dıýzdje qalasynan 14 shaqyrym jerde ornalasqan.
Túrkııa densaýlyq saqtaý mınıstri Fahrettın Kodja jer silkinisi saldarynan 35 adamnyń zardap shekkenin málimdedi. Kóz jumǵandar joq.
Jer silkinisi Ankara men Ystanbulda, sondaı-aq eldiń birneshe qalasynda qatty sezilgen. Degenmen Ankara epıentrden 240 shaqyrym, Ystambul 228 shaqyrym jerde ornalasqan.
"Qolda bar aqparatqa sáıkes zardap shekkender sany 35-ke jetti. Olardyń 32-si Dıýzdje qalasynda, Ystambul, Bolý men Zongýldakta 1 adamnan zardap shekken", – dep jazdy Fahrettın Kodja.
