«Samūryq-Qazyna» qory Memleket basşysynyŋ tapsyrmalaryn oryndai otyryp, inkliuzivtı jobalardy damytu aiasynda auqymdy jūmys jürgızude: olardyŋ qatarynda köpbalaly analardy, erekşe balalardy, mügedektıgı bar adamdardy qoldau.
«Samūryq-Qazyna» kompaniialar toby tek Atyrau oblysynda soŋǧy bes jylda 1 milliard teŋgeden astam somaǧa 19 äleumettık jobany ıske asyrdy. Jobalar öŋır tūrǧyndary üşın maŋyzdy mäselelerdı şeşuge jäne ükımettık emes ūiymdardyŋ äleumettık bastamalaryn qoldauǧa baǧyttalǧan. Biyl öŋırde 375,5 mln teŋge somasyna 7 joba maqūldandy.
Bügın kompaniialar toby atynan qaiyrymdylyq jobalardyŋ bıryŋǧai operatory – «Samruk-Kazyna Trust» äleumettık jobalardy damytu qory qoǧam üşın ıske asyrylǧan bastamalardy halyq nazaryna ūsyndy.
Baspasöz tury söileu qabıletı būzylǧan, autizm, serebraldy sal auruy jäne Daun sindromy bar balalardy jan-jaqty damytumen ainalysatyn, jaŋartylǧan «Zeiın-Atyrau» erekşe balalardy damytu ortalyǧyna barudan bastaldy. Biyl jobaǧa «Samūryq-Qazyna» qory kürdelı jöndeu jūmystarymen qatar, jihazdar men jabdyqtardy jaŋartudy qarjylandyrdy, sondai-aq 50 erekşe balaǧa tegın oŋaltu kurstaryna sertifikat tabystaldy. Jobanyŋ qūny 27 million teŋgeden asady.
Jinalǧan köpşılık turdyŋ ekınşı nysany balalarǧa arnalǧan keşendı oŋaltu, diagnostika jäne keŋes beru qyzmetterın körsetetın «Qamqorlyq» oŋaltu ortalyǧyna bardy. Ortalyq jylyna 600 balany tegın qabyldaidy. Aita keteiık, «Samūryq-Qazyna» qorynyŋ qoldauymen «Qamqorlyq» jobasy aiasynda 2020 jyldan bastap Qazaqstannyŋ barlyq öŋırınde 15 oŋaltu ortalyǧy, 16 inkliuziiany qoldau kabinetı jäne 7 erte aralasu ortalyǧy aşyldy, olardy tolyq jabdyqtau üşın 3 mlrd teŋgeden astam qarajat bölındı.
Qor ärdaiym äleumettık osal sanattaǧy azamattardy qoldauǧa erekşe nazar audaryp keledı. Būl baǧytta Atyrau oblysynyŋ Isker äielder qauymdastyǧynyŋ jobasy körsetıldı, joba şeŋberınde jalǧyzbasty jäne köpbalaly analar, jūmyssyz äielder özderınıŋ qarjylyq täuelsızdıgın qamtamasyz etu üşın käsıbi daǧdylar men naqty kömek ala alady. Qauymdastyq ūiymdastyrǧan kurstar 100 äielge arnalǧan. Olar oqudan keiın öz ısın aşu üşın tauar türınde grant alyp, 50%-y öz biznesın aşuǧa mümkındık ielenedı de, 30%-y jūmysqa ornalasady. Jobanyŋ biudjetı 48 mln teŋgenı qūrady.
Press-tur baǧdarlamasyndaǧy soŋǧy nysan «Malenkaia strana» äleumettık qalaşyǧy boldy. Onda mümkındıgı şekteulı jandardy oŋaltu üşın eŋbek terapiiasy, ippoterapiia ädısterı paidalanylady, sonymen bırge şaruaşylyqty jürgızu üşın «jasyl tehnologiia» qoldanylady.
Biyl «Samūryq-Qazyna» qory şaǧyn gibridtı jel-kün elektr stansiiasyn jäne şaruaşylyq ǧimarattar men äkımşılık üi-jailarǧa arnalǧan konvektorlyq jylytqyştardy satyp alu üşın «Atyrau». Malenkaia strana» QB bastamasyna qoldau körsettı. Bolaşaqta osy qūrylǧylardyŋ arqasynda äleumettık qalaşyqta elektrmen jabdyqtau tolyǧymen avtonomdy bolady. Jobanyŋ qūny 37,5 mln teŋgenı qūrady.
Baspasöz turyna qatysuşylar Atyraudaǧy «Samūryq-Qazyna» qorynyŋ äleumettık jobalaryna joǧary baǧa berıp, öz äserlerımen bölıstı:
«Är adamnyŋ mındetı – balalaryna jaqsy tärbie berıp, aiaqqa tūryp ketuıne kömektesıp, laiyqty adamdy tärbielep şyǧu. Bügın osy oraida, memleket pen «Samūryq-Qazyna» qory tarapynan atqarylyp jatqan jūmystardy körıp, quanyp otyrmyz. Mümkındıgı şekteulı balalarǧa arnalǧan igı ısterıŋız üşın erekşe alǧys bıldırgım keledı», - dep oiymen bölıstı Atyrau qalasy Ardagerler keŋesınıŋ töraǧasy Keŋes Qosybaev.
«Ükımettık emes ūiym ökılderı «Samūryq-Qazyna» qorynyŋ öŋırımızde jüzege asyryp jatqan äleumettık jobalaryn mūqiiat qadaǧalaudamyz. Bügıngı qordyŋ jūmysy aşyq ärı tüsınıktı bolǧanyna quanyştymyz. Bügıngı baspasöz tury Qordyŋ biylǧy jūmys nätijelerın körsettı, bız şaradan erekşe balalarǧa, äleumettık osal sanattaǧy äielderge, mümkındıgı şekteulı jandarǧa arnalǧan özektı jobalardy körıp otyrmyz. Būl qordyŋ imidjıne oŋ äser etedı jäne halyqtyŋ senımın arttyrady», - dep atap öttı «Aqparat» QB töraǧasy, Atyrau oblysy qoǧamdyq komissiiasynyŋ müşesı Güljan Eleşeva.
Atyrau qalasynda jüzege asyrylǧan äleumettık nysandar boiynşa baspasöz turyna «Samūryq-Qazyna» AQ portfeldık kompaniialarynyŋ oblystyq filialdarynyŋ basşylary da qatysty. Qordyŋ qaiyrymdylyq qyzmetın jüzege asyru kezınde Qor kompaniialar tobynyŋ käsıporyndary ornalasqan öŋırlerge erekşe nazar audarylady.
«Jüielık qaiyrymdylyq köptegen adamdarǧa kömektesuge mümkındık beredı. Bızdıŋ mındetımız-jergılıktı jerlerde «Samūryq-Qazyna» AQ bıryŋǧai qaiyrymdylyq operatory arqyly äleumettık maŋyzdy jobalardyŋ baǧytyn anyqtau jäne jergılıktı ÜEŪ - ǧa kömektesu», - dep bölıstı «KEGOC» AQ Batys filialynyŋ metrologiia qyzmetınıŋ basşysy Abzal Baqitov.
BAQ ökılderınıŋ nazaryna: 24 jäne 25 qaraşada äleumettık nysandar boiynşa baspasöz tury Maŋǧystau oblysynda jalǧasady, ondaǧy jūrtşylyqtyŋ nazaryna Jaŋaözen jäne Aqtau qalalaryndaǧy «Samūryq-Qazyna» kompaniialar toby atynan qarjylandyrylǧan jobalar ūsynylady.
