Qasym-Jomart Toqaevty qoldau jönındegı Respublikalyq qoǧamdyq ştabta «AMANAT» partiiasynyŋ «Jastar Ruhy» jastar qanaty ūiymdastyrǧan «Bir Tolqynda» dialog alaŋynyŋ otyrysy öttı. Jastar ūiymdarynyŋ köşbasşylary, qoǧam qairatkerlerı jäne Halyqtyq koalisiiaǧa kırgen sportşylar qauymdastyǧynyŋ ökılderı prezident sailauynyŋ qorytyndysy jönınde öz pıkırlerın bıldırdı.
Sailaualdy ştabta BAQ ökılderıne arnalǧan baspasöz tury ūiymdastyryldy. Olar ügıt-nasihat jäne taldau ortalyqtarynyŋ, kandidattyŋ qoǧamdyq qabyldau bölmesınıŋ, media-ştabtyŋ, senımdı ökılderdıŋ jūmysyn üilestıru ortalyǧynyŋ, baiqauşylar ştaby men jastar sektorynyŋ qyzmetımen tanysty.
«Jastar Ruhy» jastar qanatynyŋ töraǧasy Nūrjan Jetpısbaev Halyqtyq koalisiiadaǧy jastar blogynyŋ qyzmetın egjei-tegjeilı tüsındırdı.
Öz kezegınde, Olimpiada chempiony, QR Ūlttyq Olimpiadalyq komitetı Bas hatşysynyŋ orynbasary Serık Säpiev sportşylar qauymdastyǧynyŋ ūstanymyn jetkızdı.
«7,5 myŋnan astam belsendı 3 mln-nan astam ügıt-nasihat materialyn taratty. Olar tek ünparaq taratyp qana qoimai, «Esıkten esıkke» aksiiasyna, sailauşylarmen ötken ekspromt-kezdesulerge, azamattardyŋ ūsynystary men tılekterın qabyldau ısıne atsalysty. Būl sailaudyŋ bır erekşelıgı sol, kandidattyŋ sailaualdy baǧdarlamasyn är sailauşyǧa egjei-tegjeilı tüsındırıp beru maqsatynda bız tek ırı qalalarǧa ǧana emes, sonymen qatar şalǧai ornalasqan auyldarǧa da bardyq», - dedı ol.Ūlttyq volonterler jelısınıŋ töraǧasy, Mäjılıstegı «AMANAT» partiiasynyŋ deputaty Vera Kimnıŋ pıkırınşe, sailau nätijesı Qasym-Jomart Toqaevtyŋ reformalar baǧytyna jalpyhalyqtyq qoldau bar ekenın däleldeidı.
«Kandidattyŋ sailaualdy baǧdarlamasynyŋ negızgı maqsaty – halyqtyŋ ömır sapasyn jaqsartu. Ädılettılık qaǧidatyna säikes, märtebesıne, jynysyna nemese jasyna qaramastan, qazaqstandyqtar teŋ mümkındıkter men qūqyqtarǧa ie boluy tiıs. Sailau qorytyndysy halyq Prezidenttı qoldaitynyn körsettı. Elımızdıŋ, sonymen qatar halyqaralyq baiqauşylardyŋ oŋ pıkırı sailaudyŋ aşyq ärı adal ötkenın aiqyndaidy», – dedı halyq qalaulysy.
Öz kezegınde, Olimpiada chempiony, QR Ūlttyq Olimpiadalyq komitetı Bas hatşysynyŋ orynbasary Serık Säpiev sportşylar qauymdastyǧynyŋ ūstanymyn jetkızdı.
«Bız Quatty ärı Ädılettı Qazaqstan üşın dauys berdık. Sailau uchaskesıne kelgen ärbır adam özınıŋ azamattyq paryzyn ötep qana qoimai, el bolaşaǧy üşın taŋdau jasady dep oilaimyn. Bız el igılıgıne qyzmet etuge barymyzdy salamyz jäne barşa qatysuşylardy osyǧan şaqyramyn», – dedı ol.Prezidenttık jastar kadrlyq rezervınıŋ müşesı Äbutälıp Mütälı aldaǧy 7 jylda jastar memleket qūru ısıne eleulı üles qosady dep otyr. «AMANAT» partiiasy Qoǧamdyq saiasat instituty direktorynyŋ orynbasary Dinara Säduaqasova sailauşylardyŋ ūsynysy men tılegıne nazar audardy. Ügıt-nasihat nauqany barysynda 40 myŋnan astam osyndai ūsynys-tılek kelıp tüstı. Būl azamattardyŋ saiasi prosesterge degen qyzyǧuşylyǧy artqanyn aŋǧartady.
Ūqsas jaŋalyqtar
