«Samūryq-Qazyna» AQ qaiyrymdylyq kömek körsetu kezınde jobalardyŋ jüielılıgı men kompaniialary ornalasqan öŋırlerdı damytuǧa basymdyq beredı. Osy oraida Maŋǧystau oblysy boiynşa äleumettık jobalar men qaiyrymdylyqqa bölıngen qarajattyŋ köp boluy kezdeisoq emes. Sebebı «Samūryq-Qazyna» AQ portfeldık kompaniialary men enşıles käsıporyndarynyŋ atalǧan aimaq ömırıne belsendı aralasu jergılıktı halyqtyŋ tūrmys jaǧdaiy men ekonomikalyq tūraqtylyǧyna orasan zor septıgın tigızetını anyq.
Osy oraida barşa «Samūryq-Qazyna» AQ kompaniialar tobynyŋ atynan qaiyrymdylyq qyzmetımen ainalysatyn «Samruk-Kazyna Trust» qory Atyrauda bastalyp, Jaŋaözende jalǧasyn tapqan baspasöz turyn Aqtau qalasynda aiaqtady.
Bügın tiıstı şaralarǧa qatysuşylar oblys ortalyǧyndaǧy barlyq äleumettık basym baǧytta ıske asyrylǧan nysandar jūmysymen tanysty. Onyŋ ışınde «Qamqorlyq» oŋaltu jäne erte aralasu ortalyqtary aşyldy.
Jalpy, 2016 jyldan bastap, Maŋǧystau oblysynda «Samruk-Kazyna Trust» qorynyŋ qoldauymen 4,2 milliard teŋgeden astam somaǧa 42 äleumettık joba ıske asyryldy. Biyl ǧana öŋırde 1,8 mlrd teŋge somaǧa 8 joba maqūldandy.
Sonymen, bügıngı baspasöz tury barysynda, oblystyq köpsalaly balalar auruhanasy aiasynda bırden ekı «Qamqorlyq» balalar emdeu mekemesınıŋ – erte aralasu men oŋaltu ortalyqtarynyŋ saltanatty aşyluy öttı. Jobanyŋ maqsaty - serebraldy sal auruy men neiro-ortopediialyq būzylular diagnozy qoiylǧan balalardy zamanaui jäne sapaly oŋaltuǧa qajettı jaǧdai jasau. Är ortalyq jylyna 600 balany tegın qabyldai alady. Būl oŋaltudan ortalyqtaryna qabyldanu uchaskelık pediatrdyŋ joldamasyn alu qajet. Joba biudjetı 261,5 mln teŋgenı qūrady.
«Būryn Aqtauda oŋaltu ortalyǧy bolmaǧan, bız Almaty men Astanaǧa baryp emdelıp jürdık. Endı qalamyzdaǧy «Qamqorlyq» ortalyǧyna kelıp em alyp jürgenımızge öte quanyştymyz. Balamnyŋ jasy qazır altyda, onyŋ körsetıp jatqan nätijelerı menı qatty quantuda. «Samūryq-Qazyna» demeuşılıgınıŋ jäne oŋaltu ortalyǧynyŋ aşyluynyŋ arqasynda mektepke uaqytynda baramyz degen oidamyn», - dedı Aqtau qalasynyŋ tūrǧyny Kämşät Eşniiazova.
«Bız Astanadan kelgen mamandardan bılım aldyq, Qor zamanaui jabdyqtar satyp alyp, qyzmetkerlerdıŋ jūmysy men nauqastardy emdeude barlyq jaǧdaidy jasauda. Bügınnen bastap balalar em aluǧa kele bastady, olarǧa qazır qabyldau kestelerı daiyndaluda. Bız öz tarapymyzdan balalarǧa jan-jaqty kömek körsetu üşın bar küşımızdı salamyz. Erekşe balalary bar köptegen otbasylarǧa öz otanynan qajettı mamandardyŋ qyzmetterın aluǧa mümkındık bergenı üşın demeuşılerge alǧysymyz şeksız», - dedı «Qamqorlyq» oŋaltu ortalyǧynyŋ aǧa medbikesı Gülşat Dosymbaeva.
Osy jyldyŋ tamyz aiynda Maŋǧystau oblystyq perinataldyq ortalyǧy «Samūryq-Qazyna» AQ kompaniialar tobynan zamanaui gipotermiia apparaty men ensefalografiia monitoryn aldy. Ortalyq direktory Japyraq Epenova atalmyş uaqyt ışınde apparat bes jaŋa tuǧan närestenıŋ ömırı men densaulyǧyn saqtap qalǧanyn aitady. Üstımızdegı jyly gipotermiia jabdyqtaryn Şymkent, Oral, Taldyqorǧan, Öskemen qalalarynyŋ perinataldyq ortalyqtary da ielendı. Jobanyŋ jalpy qūny 132 million teŋgenı qūrady.
«Salamatty Bolaşaq» jobasyn qoldau arqyly Qazaqstan boiynşa jappai erekşe qajettılıkterı bar balalarǧa arnalǧan beiımdelgen sport seksiialaryn aşu jalǧasuda. Aqtauda käsıbi jattyqtyruşylar 28 erekşe balaǧa jaŋa paralimpiadalyq sport türı – bochchany üiretude. Kerek qūral-jabdyq pen jattyqtyruşylardyŋ jūmysyna 2,9 mln teŋge qarajat bölındı. Atap ötken jön, joba aiasynda kelesı jyly osy sport türınen alǧaşqy jarystardy ötkızu josparlanuda.
«Bügın bız Maŋǧystau oblysynda «Samūryq-Qazyna» AQ qoldauymen jüzege asyrylyp jatqan bırqatar nysandardy kördık. Aqtau üşın köpten kütken ıs-şaranyŋ bırı – «Qamqorlyq» oŋaltu ortalyǧynyŋ aşyluy boldy. Endı mūnda erekşe qaraudy qajet etetın balalar emdelıp, oŋaltudan öte alady. Qordyŋ köptegen bastamalary Memleket basşysynyŋ zamanaui inkliuzivtı qoǧam qūru jäne zamanaui medisinany damytu turaly tapsyrmalaryna ılesıp keledı», - dep alǧan äserımen bölıstı oblystyq mäslihat deputaty Liudmila Meŋdıǧalieva.
«Erekşe qajettılıkterı bar balalarǧa arnalǧan Oŋaltu ortalyqtary men sport seksiialaryn aşu – būl erterekte elordaǧa baryp emdeluge mäjbür bolǧan balalar men olardyŋ ata-analary üşın ülken kömek. Sondai-aq, Maŋǧystau oblysynda öte kerek gipotermiia apparaty üşın alǧysymyzdy aitamyz. Osyndai maŋyzdy jobalardy jüzege asyryp otyrǧan «Samūryq-Qazyna», «AYALA» jäne «Qamqorlyq» qorlaryna ülken rahmet. Aldaǧy uaqytta da serıktestıgımız jalǧasyn taba bersın!» - dep tılegın bıldırdı Maŋǧystau oblysy Densaulyq saqtau basqarmasynyŋ basşysy Amanbek Jūmyrov.
Ükımettık emes ūiym ökılderınıŋ qaiyrymdylyq qyzmetın qarjylandyru turaly ötınımderın qarau kezınde inkliuzivtı jobalardy qoldauǧa basymdyq berıledı. Qoǧamda inkliuziia institutynyŋ damuy - barlyq adamnyŋ densaulyq jaǧdaiyna, tūrmystyq jai-küiıne nemese basqa da aiyrmaşylyqtaryna qaramastan bılım aluǧa, jūmysqa ornalasuǧa, sport seksiialaryna, mädeni ıs-şaralarǧa jäne özge de baǧyttarǧa teŋ qol jetkızuge jol aşady.
Üş künnıŋ ışınde jinalǧan jūrtşylyq Atyrau jäne Maŋǧystau oblystaryndaǧy «Samūryq-Qazyna» AQ qarjylyq qoldauymen ıske asyrylǧan 13 äleumettık sala nysanyn aralady. Maqsat - Qor qyzmetınıŋ aşyqtyǧyn arttyru jäne öŋırlerde jūmys ısteitın äleumettık jobalardy tanystyru boldy.
«Samruk-Kazyna Trust» qory «Samūryq-Qazyna» AQ kompaniialar tobynyŋ bıryŋǧai qaiyrymdylyq operatory bolyp tabylady jäne bükıl el boiynşa äleumettık jobalardy jüzege asyrady. Jobalardyŋ bastamaşylary portfeldık kompaniialar men ükımettık emes ūiym ökılderı bolyp tabylady.
Qaiyrymdylyq kömek körsetuge ötınım beru erejesı turaly aqparat https://sk-trust.kz/ saitynda ornalastyrylǧan.
Jūmys künderı jedel jelı +7 7172 57 6898 nömırı arqyly keŋes aluǧa bolady.
