Pavlodar qai eldıŋ saiasatyn nasihattaidy?

Äleumettık jelıdegı belsendı jurnalist Esenbek Sanatūlynyŋ myna jazbasy qoǧamdy dürlıktırdı. Daudyŋ oşaǧy ünemı ideologiialyq saiasaty synǧa ılınıp jüretın Pavlodar oblysy. Endeşe tömende avtordyŋ jazbasyn qaz-qalpynda berıp otyrmyz. «Jazbasyma bolmady. Taŋerteŋnen berı toptarda SSSR-dıŋ tuǧan künımen qūttyqtaǧan joldaular mezı ettı. Komsomoldardyŋ kesırı aqyry mıne körınıs berdı. Äsırese özge ūlt ökılderı bügın bırın bırı Otan künımen qūttyqtap mäz. Oǧan bızdıŋ qaraközderımızde qosylyp alǧan. Pavlodar qalasyna qarasty Moiyldy auylynyŋ äkımdıgı bügın erekşe quanyp mäz bolǧany baiqalady. Watsapptaǧy toptary qyzylǧa tolyp ketken. Auyl äkımı Bolat Faizullinge män-jaidy tüsındıreiın dep habarlassam, "qait dep otyrsyŋ", degendei dūrys söilespei telefon tūtqasyn laqtyryp tastady. Qala äkımı Änuar Kümpekeev ne deisız, myna qylyqqa? Qūttyqtaularǧa qosylǧandardyŋ qatarynda öz ärıptesterımnıŋ bolǧany janǧa batty». Janazasy şyqqanyna 27 jyl tolǧan Keŋes Ükımetın aŋsaityndar basqa-basqa emes, äkımdıkte otyrǧanyna nalidy avtor. R. S. Keşeden berı kerekulıkterdıŋ telefon vatsaby RF Prezidentı Putinnıŋ jūrtşylyqty Jaŋa jyl merekesımen qūttyqtaǧan suretterıne tolyp kettı. Qazırgı zaman aqparat soǧysynyŋ zamany ekenın eskersek, memlekettık saiasattyŋ eŋ qauıptı de näzık tūsy ideologiiany qataŋ qadaǧalaǧan jön-au.

                                                                                                                          «Adyrna» ūlttyq portaly