"Samūryq-Qazyna", "QazMūnaiGaz" jäne Fransiianyŋ Total Eren kompaniiasy Qazaqstannyŋ oŋtüstık-şyǧysynda jel parkın salu turaly kelısımge qol qoidy. Ekı el arasyndaǧy kelısımge qol qoiu räsımıne Qasym-Jomart Toqaev ta qatysty, dep habarlaidy “Adyrna” ūlttyq portaly.
“Qazaqstan Respublikasynyŋ Energetika ministrlıgı men Fransiianyŋ Europa jäne syrtqy ıster ministrlıgı arasynda Jambyl oblysynda quaty 1 GVt bolatyn jel elektr stansiiasyn salu mäselelerı turaly Ükımetaralyq kelısımge qol qoiyldy. Jel elektr stansiiasy 2026-2027 jyldary paidalanuǧa berıledı, būl bızdıŋ elımızdegı JEK nysandarynyŋ jiyntyq energiia öndırısın şamamen 50 paiyzǧa arttyrady. Jobanyŋ boljamdy qūny – 1,9 milliard dollar”, – delıngen habarlamada.
Mälımet boiynşa, Qazaqstanda alǧaş ret jel elektr stansiiasy elektr quatyn jinaqtau jüiesımen tolyqtyrylady. Būl joba jaŋartylatyn energiia öndırısınıŋ tabiǧi qūbylmalylyǧyn retteuge, artyq elektr energiiasyn jinaqtauǧa jäne energiia jelısınıŋ tūraqtylyǧyn qamtamasyz etuge mümkındık beredı.
