Şymkenttegı “Körme” ortalyǧynda jergılıktı tauar öndıruşılerdıŋ körmesı ūiymdastyrylyp, biznes qauymdastyq ökılderınıŋ kezdesuı öttı. Qalalyq käsıpkerler palatasynyŋ bastamasymen ūiymdastyrylǧan şaraǧa şahar basşysy M.Äitenov, «Atameken» ŪKP Basqarma töraǧasynyŋ orynbasary-Şymkent qalalyq käsıpkerler palatasynyŋ direktory Timur Naqypbekov, qūqyq qorǧau organ qyzmetkerlerı, salalyq qūrylym basşylary men käsıpkerler qatysty.
Üşınşı megapolistıŋ ekonomikalyq jäne äleumettık damuynyŋ negızgı draiverı - käsıpkerlık salasy. Şymkenttegı jalpy öŋırlık önımnıŋ üşten bır bölıgın şaǧyn jäne orta biznes ökılderı öndıredı.
Bügınde qalada 95 myŋnan astam belsendı käsıpkerlık subektılerı jūmys ısteidı.
“Respublika boiynşa 4-şı oryndamyz, 180 myŋnan astam adam jūmyspen qamtylǧan. Būl da ärine sızderdıŋ arqalaryŋyzda”,-dedı M.Äitenov saltanatty şarany aşu barysynda.
Jalpy jiynda bırqatar ötkır de özektı mäseleler qozǧaldy.
Qylmystyq prosess salasyndaǧy qiyndyqtar, käsıpkerlerdıŋ qūqyqtaryn qorǧau jäne äkımşılık kedergılerdı azaitu, qala qūrylysynda kezdesetın problemalar, arnaiy ekonomikalyq jäne industriialyq aimaqtardaǧy jer uchaskelerın qosalqy jaldau joldary men janar-jaǧarmaiǧa differensiasiialyq baǧanyŋ bekıtıluıne bailanysty tuyndaǧan salyqtyŋ eseptılıgı, t.b köptegen mäseleler köterılıp, kezdesu barysynda onyŋ şeşılu joldary aityldy.
Kezdesu qorytyndysymen, Ūlttyq käsıpkerler palatasy käsıpkerlıktı qorǧaudyŋ ekojüiesın qūru jobasyn jüzege asyrudy bastady.
Biznestı qorǧaudyŋ ekojüiesı aiasynda käsıpkerlık subektılerınıŋ qūqyǧyn būzu faktılerın jäne memlekettık retteudı jüzege asyru kezınde qajetsız äkımşılık kedergılerdı azaituǧa baǧyttalǧan bırşama ūsynystar äzırlenetın boldy.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz