“Aq jol” demokratiialyq partiiasynyŋ deputaty Aigül Jūmabaeva «Ükımet saǧatynda» Äleumettık Kodeks jobasyn talqylady, dep habarlaidy «Adyrna» tılşısı.
Aituynşa, Kodeks jobasynda Prezidenttıŋ baǧdarlamasyn ıske asyru boiynşa bırqatar novella közdelgen. Olardyŋ barlyǧy özektı, halyqpen kezdesuler osyny körsettı.
«Kodekstegı maŋyzdy baǧyttyŋ bırı – ışkı köşı-qondy yntalandyru, azamattardyŋ soltüstık, ortalyq öŋırlerge qonys audaruyn retke keltıru. Ärbır qabyldauşy öŋır qonys audarudy yntalandyru üşın öz jol kartasyn äzırleitın bolady. Osyǧan orai, kelesıge nazar audarǧym keledı. Mäselen, jazda sailauşylarmen kezdesu kezınde «Eŋbek» (Oŋtüstık-Soltüstık) baǧdarlamasynyŋ keibır kemşılıkterı anyqtaldy. 5 jyl ışınde qonys audaruǧa 2 mlrd. teŋge jūmsalǧan. Alaida, osy baǧdarlama boiynşa kelgen azamattardyŋ köbısı qaityp oraluda, al qalǧandarynyŋ-da jaǧdailary mäz emes. Soltüstık Qazaqstan oblysy tūrǧyndarynyŋ ötınışı boiynşa, bız / mal ösıruge, egın eguge jaǧdaiy bar auyldardy araladyq. Bıraq būl auyldar memlekettık organdardyŋ ölşemderı boiynşa bolaşaǧy joq auyldar tızımıne kırgen. Auyldarǧa bügın adam kerek, öitkenı auyldardaǧy jalǧyz jūmys beruşı mekeme - mektepter jabylyp qaluy mümkın. Būl şaǧyn auyldarda daiyn tūrǧan qora jai men tūrmysqa yŋǧaily daiyn üiler de bar, jergılıktı tūrǧyndar olardy jöndep, malmen, jem-şöppen kömektesuge daiyn. «Aqjoldyq» käsıpkerler de sol bos üilerge jöndeu jūmystaryn jürgızuge äzır. Osy auyldarǧa oŋtüstık azamattary jäne qandastar qonys audarǧyp mal ūstap, bos jerlerdı paidalanǧysy keledı. Bıraq būl jerge kelgen azamattar tiıstı memlekettık qoldaudy ala almaidy, öitkenı ol auyldar perspektivasy joq dep sanalady. Al oŋtüstık öŋırlerden otbasylar jappai qonystanǧan tırek auyldarda mal ūstauǧa jaǧdai joq, bos jatqan jer de joq, ony özderıŋız bügıngı köptegen jer daularynan bılesızder. Jaiylym jer de joq, jūmys ta joq, bıraq, olarǧa sol tırek auyldarda üi salynuda. Üilerdıŋ sapasy syn kötermeidı. Uchaskelerınde mal qorasyna oryn joq. Qanşama biudjettık aqşa ysyrap bolyp jatyr»,—dedı ol.Deputat Prezidenttıŋ aldaǧy 5 jylda auyldy damytuǧa arnalǧan josparyna erekşe toqtaldy.
«Eŋbek» baǧdarlamasyn «Quatty öŋırler» jobasy almastyrady. Kelesı jyldyŋ 31 nauryzyna deiın Auyldyq aumaqtardy damytu tūjyrymdamasy qabyldanady. Osyǧan bailanysty, qonys audarudy yntalandyru turaly jaŋa jobalarda qabyldauşy öŋırlerdegı auyldardy damytu perspektivasynyŋ ölşemderın qaita qarau qajet. Jalpy adam qonystandyruǧa kedergı bolyp otyrǧan, şalǧai auyldarǧa qatysty bolaşaǧy joq degen tüsınıktı, kriteridı ainalymnan mülde alyp tastau kerek. Sonymen qatar, mal şaruaşylyǧyna qolaily auyldardy saqtau üşın ortalyq jäne soltüstık öŋırlerge qonys audaruşylardy qabyldau kvotalaryn bırneşe ese arttyru kerek dep sanaimyz»,—dep tüiındedı ol.
