«Astana» telearnasynyŋ habarlauyna qaraǧanda Astanadaǧy köpqabatty üilerdıŋ 99 paiyzynda gaz qondyrǧylary talapqa sai emes. Būl turaly täuelsız gaz qauymdastyǧynyŋ sarapşylary aitty.
Telearnanyŋ mälımetınşe, komissiia ortalyqtandyrylǧan gazben jabdyqtalǧan barlyq tūrǧyn üi keşenderıne tekserıs jürgızedı. Sarapşylardyŋ, tūrǧyn üi aulasynda gazdan eş qauıp bolmaǧanmen, baspanadaǧy jaǧdaidy eşkım baqylap jatqan joq. Osyǧan bailanysty olar tez arada tekserıs jürgızıp, qūbyrlardy auystyru qajettıgın eskerttı. Ony tūrǧyndar öz qaltasynan töleuı tiıs.
“Būl mäsele būrynnan berı kele jatqan eskı tūrǧyn üilerge qatysty. Barlyq baqylaudy zaŋ aiasynda jüzege asyru üşın aldymen qaita qūru jobasyn jasau qajet. Naqty smetalyq qūny şyqqan kezde, ary qarai tūrǧyndar özderı şeşedı. Byltyr qalalyq iKomek qyzmetıne gaz tarauyna qatysty 200-ge juyq şaǧym kelıp tüsken. Tūrmystyq gaz 1000-nan asa tūrǧyn üige jetkızıldı. Būl 80 myŋ päter. Olardyŋ qauıpsızdık talaptaryn tekseru üşın äkımdık arnaiy tapsyrma berıptı”, – deidı Täuelsız gaz qauymdastyǧynyŋ ökılı Fedor Mordvinkin.
“Bılıktı mamandardyŋ joqtyǧyna bailanysty,tekserıster boiynşa, gaz jelısınıŋ qūrylysy boiynşa, gaz jelısınıŋ qūrylysyna bailanysty ekı qūrylys montajdy ūiymy özderınıŋ jūmys ısteu lisenziiasynan jarty jylǧa toqtatyldy. Elordanyŋ barlyq jekemenşık sektory gaz böşkesın paidalanady. Qalaǧa bırneşe kompaniia qyzmet körsetedı. 4 gaz toltyru stansiiasy jäne 5 punkt resmi türde jūmys ısteidı. Ötken jyly olardyŋ jūmysynda 180 zaŋbūzuşylyq anyqtalǧan”, – deidı öz kezegınde Astana qalalyq Orta sapasy jäne baqylau basqarmasynyŋ bölım basşysy Maqsat Abylov.
Esterıŋızge sala keteiık, Reseidıŋ Magnitogorsk qalasynda jeltoqsannyŋ 31-ı künı tūrmystyq gaz jarylyp, 39 adam qaza tapqan bolatyn. Magnitogorskıdegı qaiǧyly oqiǧadan keiın elordanyŋ äkımı Baqyt Sūltanov qaladaǧy gaz qondyrǧydary men qūbyrlaryn tolyq tekserudı tapsyrdy.
"Adyrna" ūlttyq portaly
