AMANAT erekşe qajettılıkterı bar adamdardyŋ ömırın jaqsartu jūmysyn jalǧastyrady

Elordada «AMANAT» partiiasynyŋ qoldauymen Qazaqstan mügedekter konfederasiiasy ūiymdastyrǧan «Jan Şuaq» qoǧamdyq syilyǧynyŋ laureattaryn marapattau räsımı öttı. Öz sözınde, «AMANAT» partiiasynyŋ Töraǧasy Erlan Qoşanov «Jan Şuaq» syilyǧyn ötkızu erekşe qajettılıkterı bar myŋdaǧan adam üşın jaŋa mümkındıkterge jol aşqan igı dästürge ainalǧanyn atap öttı.

«15 jyl ışınde «Jan Şuaq» şeksız mümkındık ielerıne arnalǧan syilyqqa ainaldy. Olar synaqqa tözıp, qiyn-qystau joldan öttı. Al bügınde kömekke mūqtaj jandarǧa özderı qol ūşyn sozuda. Elımızde mügedektıgı bar adamdardyŋ özın-özı damytuy üşın barlyq jaǧdai jasaluda. Erekşe qajettılıkterı bar jandarǧa qoldau körsetu jūmysy ärqaşan Memleket basşysy Qasym-Jomart Toqaevtyŋ basty nazarynda. El Prezidentınıŋ bastamasymen Äleumettık käsıpkerlık boiynşa arnaiy jobalar ıske qosylyp, erekşe qajettılıkterı bar jandardyŋ qūqyqtaryn qorǧau üşın ombudsmen instituty qūryluda. Sondai-aq, mügedektıgı bar adamdardyŋ ömır süru sapasyn jaqsartu mäselelerı boiynşa zaŋ qabyldandy», – dedı Erlan Qoşanov.

Ol «AMANAT» partiiasy erekşe qajettılıkterı bar adamdardyŋ ömır sapasyn jaqsartu jūmysyn odan ärı jalǧastyratynyn atap öttı. Sebebı būl qadam partiianyŋ basty basymdyqtarynyŋ bırı sanalady. Qazaqstan mügedekter konfederasiiasynyŋ prezidentı, Mäjılıstegı «AMANAT» fraksiiasynyŋ müşesı Janat Omarbekovanyŋ aituynşa, būl syilyqtyŋ basty maqsatynyŋ bırı – erekşe qajettılıkterı bar jandardyŋ tūlǧalyq damuy üşın jaŋa mümkındıkterge jol aşuǧa kömektesu, olardyŋ alǧa jyljuǧa jäne qoǧamǧa paida äkeluge degen ūmtylysyn qoldau.

«Osy syilyq taǧaiyndalǧannan berı elımızdıŋ ǧana emes, sondai-aq AQŞ, Litva, Polşa, Estoniia jäne özge de memleketterdıŋ 70-ten astam ruhy myqty azamattary laureat atandy. Jyl saiyn är nominasiia boiynşa ümıtkerler sany artyp keledı. Biyl «Jan Şuaq» syilyǧyna qatysuǧa elımızdıŋ barlyq öŋırınen 100-den astam ötınım kelıp tüstı», – dep atap öttı ol.

Osylaişa, mümkındıgı şekteulı jandarǧa qarym-qatynas etikasy jäne situasiialyq kömek körsetu boiynşa oqytu treningterın ūiymdastyrǧan Kentau qalasynyŋ tūrǧyny Erlan Äbdiev «Küştı jıgerı jäne jeŋıske talpynysy üşın» syilyǧynyŋ iegerı atandy. «Käsıpkerlık qyzmettı damytuǧa qosqan ülesı üşın» nominasiiasy boiynşa qaraǧandylyq Ashat Esentūrov marapattaldy. Ol halyqtyŋ äleumettık osal toby jäne erekşe qajettılıkterı bar adamdar jūmys ısteitın käsıporyn aşty. Belgılı suretşı-zerger, IýNESKO-nyŋ halyqaralyq sapa belgısınıŋ iegerı, şymkenttık İkramjan Rafikov «Öner salasyndaǧy asa üzdık jetıstıkterı üşın» nominasiiasy boiynşa syilyq ielendı. «Mädeniet salasyndaǧy asa üzdık jetıstıkterı üşın» nominasiiasy boiynşa respublikalyq jäne halyqaralyq muzykalyq baiqaulardyŋ jeŋımpazy, pavlodarlyq Diliara Asaiynova marapattaldy. Almatylyq Baqtygül Älımbekova «Sport salasyndaǧy asa üzdık jetıstıkterı üşın» syilyǧynyŋ iegerı atandy. Ol Bosfor būǧazyn bır jarym saǧattan az uaqyt ışınde jüzıp öttı. Sondai-aq, parasportşy, skandinaviialyq seruendeu nūsqauşysy sanalady. «Mügedektıgı bar adamdardyŋ ǧylym men bılım beru qyzmetın damytuǧa qosqan ülesı jäne oquǧa talpynysy üşın» nominasiiasy boiynşa astanalyq Taŋsäule Serıkov marapatqa ie boldy. Ol köptegen ǧylymi eŋbektıŋ avtory, sondai-aq, erekşe qajettılıkterı bar adamdarǧa arnalǧan joǧary jäne joǧary oqu ornynan keiıngı bılım beru tūjyrymdamasyn äzırlegen ǧalym sanalady. Arnaiy sertifikatty Ǧylym jäne joǧary bılım ministrı Saiasat Nūrbek tabystady. Ol sondai-aq qaisar janmen tıldesıp, jeŋısımen qūttyqtady. Al Aqmola oblysynyŋ Selinograd audanyndaǧy «Bolaşaq» mügedekter bırlestıgınıŋ basşysy Amangeldı Qapanov bolsa, «Mügedektıgı bar adamdarǧa qatysty qoǧamdyq sananyŋ oŋ özgeruıne qosqan ülesı üşın» syilyǧynyŋ laureaty dep tanyldy. Jeŋımpazdardyŋ ärqaisysy 1 mln teŋge kölemındegı aqşalai syilyqqa ie boldy.