Öskemendegı drama teatrǧa Rüstem Esdäulettıŋ aty berılsın!

Öskemendegı ziialy qauym ökılderı osyndai ūsynys aityp, Şyǧys Qazaqstan oblysynyŋ äkımı Danial Ahmetovke ūsynys-hat jazdy. Hattyŋ mätının nazarlaryŋyzǧa ūsyna otyryp, qoldau bıldırulerıŋızdı sūraimyz! Qūrmettı Danial Kenjetaiūly! Elbasymyz Nūrsūltan Nazarbaevtyŋ bastamasymen, tıkelei mūryndyq boluymen qolǧa alynǧan, bügıngı künı respublikamyzdyŋ tükpır-tükpırınde mümkındıgınşe jüzege asyrylyp jatqan «Ruhani jaŋǧyru», «Ūly dalanyŋ jetı qyry» atty jobalarǧa Sız basqaryp otyrǧan Şyǧys Qazaqstan oblysynyŋ sübelı üles qosyp jatqanyna ünemı marqaiyp jüremız. Äsırese, älem tarihynda, onyŋ damu tegerşıgınıŋ ünemı progrestık baǧytqa bet būruynda, jalpy adamzat damuy evoliusiiasynda eresen ülken röl atqarǧan Altai, ony meken etken türkılerdıŋ ötkenıne kärı Europa men mūhittyŋ arǧy betındegı Amerikanyŋ jıtı nazar audaruy, tıkelei Elbasy men Sız yqpal etıp, jaǧdai jasaǧan ǧalym-zertteuşılerdıŋ arqasy. Öŋırımızden tabylǧan Altyn adam, taǧy da basqa qūndy jädıgerler – osy sözımızdıŋ aiǧaqty dälelı. Ärine, kez kelgen ırı tarihi qūbylysty tuǧyzatyn da, ony jüzege asyratyn da – halyq. Naqtylap aitsaq, halyqtyŋ arasynan suyrylyp şyqqan asa talantty jeke tūlǧa. Al, adam faktoryn qalai qadırleu, ony madaqtau men marapattau, elı men jūrtynyŋ abyroiyna abyroi, daŋqyna daŋq qosqan tūlǧalardy mäŋgılık este qaldyru mäselesınde, Sız erekşe qarymdylyq baiqatyp jürsız. Oǧan halyqtyŋ közı äldeqaşan jetken. Mäselen, Elbasymyzdyŋ «Ruhani jaŋǧyru» jobasyna orai, seŋı mäŋgı būzylmai kelgen Şyǧys Qazaqstan oblysyndaǧy äbden eskırgen, tozyǧy jetken, ötken qoǧamdyq formasiialardyŋ qaŋsyq mūrasy syndy jer-su, qala-auyl, köşe, mektep, t.b. ataulardyŋ soŋǧy ekı jyl ışınde asa şapşaŋ jaŋǧyryp, özderınıŋ būrynǧy tarihi ataularymen qaitara tabysyp nemese el men jūrttyŋ kökeiınde jürgen esımderge ie bolyp jatqany, osylardyŋ ışındegı şüidelısı – Zyriannyŋ Altai ataluy, Sızdıŋ qairatkerlık tūlǧaŋyzdy asqaqtata tüskenı ras. Ämanda tıleulespız! Endıgı ūsynys-tılegımızdıŋ tızgını de Sızdıŋ qolyŋyzda. 2009 jyldyŋ qara küzınde qazaq önerınıŋ şyŋyna örmelep şyǧyp, künı boluǧa qyzmet jasap jürgen alaştyŋ asa daryndy jas rejisserı Rüstem Esdäuletov kenetten dünieden ozdy. Orda būzar otyz jasynda. Ol oblys önerınıŋ qara şaŋyraǧy – oblystyq drama teatrynyŋ, onda būryn-soŋdy bolmaǧan qazaq truppasynyŋ aşylyp, örkendep damuyna eren eŋbek etken azamat edı. Aldymen oblysta būryn-soŋdy bolmaǧan qazaq truppasyn aşyp, jüre-bara sol teatrdyŋ direktory qyzmetınde jürıp respublika sahnalarynda Şyǧys Qazaqstannyŋ atyn, önerpazdaryn aişyqtady. Respublikada ūlttyq tūrǧydan alǧanda būryn aty men zaty beimaǧūlym Şyǧystyŋ abyroiy köterıldı. Tanymaldylyqqa ie boldy. Rüstem Orazbaiūly onmen de şektelgen joq, şyǧystyŋ teatryn halyqaralyq deŋgeige şyǧardy: oblystyq teatr artisterı öz şyǧarmaşylyqtarynyŋ san qyrly ekendıgın Resei, Qyrǧyzstan, Europa sahnalarynda meilınşe däleldedı. Ol – Täuelsız Qazaqstannyŋ müldem jaŋa formatty rejisserlerınıŋ köşbasşysy boldy. Rüstem Esdäuletov ärı san qyrly rejisser, ärı lirik aqyn, ärı myqty dramaturg, ärı ülken pedagog bolatyn. Eŋ bastysy, ol – Adam edı. Ūly Abaidyŋ «Adam bol!» degen basty qaǧidasyn keudesınen şybyndai jany pyr etıp ūşyp ketkenşe mültıksız oryndady. Öle-ölgenşe halqyna, özınıŋ tuyp-ösken Şyǧysyna jankeştılıkpen eŋbek ettı. Soŋǧy demı de teatr sahnasynda üzıldı. Qūrmettı Danial Kenjetaiūly! «Jerdıŋ atyn el şyǧarady, eldıŋ atyn er şyǧarady» deidı kemeŋger halqymyz. Keşegı künı osy tuǧan Şyǧysy üşın jarǧaq qūlaǧy jastyqqa timei, boiyndaǧy Allasy syilaǧan barlyq mümkındıkterı men arda qasietterın elıne sadaqalaǧan Rüstem Esduletovtai rejisserdıŋ dünieden ötkenıne 2019 jyly on jyl tolady eken. Sol atauly jylǧa jäne keşegı künı Elbasy şegelep aitqan Jastar jylyna orailastyryp oblystyq drama teatryna özı ystyǧyna küiıp, suyǧyna toŋǧan, mūqym sanaly ǧūmyryn qazaqtyŋ önerı men teatryna baǧyştaǧan Rüstem Esdäuletovtyŋ atyn bersek degen ötınışımız bar. Oblys bilıgı teatrǧa osy azamattyŋ atyn beru arqyly «Ruhani jaŋǧyru» jobasynyŋ ekı baby boiynşa mūratqa jetedı: bırınşıden – halyqtyŋ talap-tılegı üderısınen şyǧady; ekınşıden – jas ūrpaqqa özınıŋ şynaiy patriottaryn qūrmetteudı üiretedı! Eger de Özıŋız tarapyŋyzdan būl ūsynys qoldau tauyp jatsa, öŋır halqynyŋ quanyşpen qoldaitynyna kepılmız. Izgı nietpen: Älıbek Qaŋtarbaev – jazuşy, QR Jazuşylar Odaǧy ŞQO filialynyŋ direktory; Tüsıphan Tüsıpbekov – qoǧam qairatkerı, «Qazaqstandyq mädeniet, sport, turizm jäne aqparat qyzmetkerlerı salalyq käsıptık odaǧy» QB-nıŋ ŞQO filialynyŋ töraǧasy; Jaŋabai Äşımov – eŋbek ardagerı, ŞQ oblystyq Aqsaqaldar alqasynyŋ töraǧasy;  Serık Qūsanbaev – aitysker aqyn, «Altai asu» qoǧamdyq bırlestıgınıŋ atqaruşy direktory, QR Mädeniet qairatkerı;