Polıııa polkovnıgi shýly vıdeodan keıin qyzmetinen aıyryldy

3338
Adyrna.kz Telegram
Foto: vıdeodan alyndy
Foto: vıdeodan alyndy

Túrkistan oblysy Qazyǵurt aýdandyq polıııa bólimi bastyǵynyń orynbasary atyshýly beınejazbadan keıin qyzmetinen bosatyldy. Bul týraly Túrkistan oblysy polıııa departamentiniń baspasóz qyzmeti málimdedi, dep habarlaıdy “Adyrna” ulttyq portaly. 

Vedomstvonyń málimetinshe, polıııa polkovnıgi Baýyrjan Aldabergenov beınege jaǵymsyz túrde túsirilgen. Beınejazba avtory aýdandyq polıııa bólimi bastyǵynyń orynbasaryn tanyǵan. Vıdeoda er adam formadaǵy qyzmetkerlerge fızıkalyq kúsh qoldanady. Avtordyń aıtýynsha, osylaısha polkovnık aqsha bopsalaǵan.

"Komıssııa qorytyndysy boıynsha atalǵan beınejazbadaǵy bastyqtyń orynbasary qyzmetten bosatyldy. Jeke quram arasynda qyzmettik tártip pen zańdylyqty nyǵaıtý jáne sybaılas jemqorlyqqa qarsy is – qımyl boıynsha keshendi jumys jalǵasyp jatyr", - dep habarlady oblystyq polıııa departamenti.

Bul fakt boıynsha Qylmystyq kodekstiń 362-baby "Bılik pen laýazymdyq ókilettikti asyra paıdalaný" boıynsha sotqa deıingi tergeý jalǵasyp jatyr.

Osy bap boıynsha, jaýapty laýazymda jáne qyzmettik jaǵdaıyn paıdalana otyryp jasalǵan zańbuzýshylyqtar úshin bes jyldan on jylǵa deıingi merzimge bas bostandyǵynan aıyrý, múlki tárkilenip, belgili bir laýazymdardy atqarý nemese belgili bir qyzmetpen aınalysý quqyǵynan ómir boıyna aıyrý jazasy qarastyrylǵan.

Pikirler