Habar telearnasynyń "Bizdiń maqsat" tok-shoýynda Saıasattanýshy Talǵat Janysbaı pen Májilis depýtaty Aıdos Sarym sózge kelip qaldy, dep jazady "Adyrna" ulttyq portaly.
"Anaý shalǵaı aýyldarǵa, qaladan shetke baryńyzshy! 250 myń teńge kredıtin tóleı almaı, páter jaldap júrgenderge... Parlamenttegi halyq ókilderin, sol depýtattardy halyq saılady ǵoı. Parlament tek zań shyǵaryp, basqasy ar jaqta "ne bolsa, o bolsyn" degen sóz emes qoı. Problema sheshý kerek. Halyqtyń arasyna barý kerek", - dedi Talǵat Janysbaı Aıdos Sarymǵa.
Májilis depýtaty saıasattanýshynyń bul pikirine úzildi-kesildi qarsylyq tanytyp, Parlamenttiń negizgi fýnkııasy múlde basqa ekenin jetkizdi.
"Problemany ákimdik sheshedi. Eger ákimdik másele sheshpese, biz sol kezde aralasamyz. Bireýi zań shyǵarady, bireýi trýbany jóndeıdi", - dep short kesti ol.
Talǵat Janysbaı depýtattyń bergen jaýabyna qanaǵattanbaı, búı dedi:
"Sizder sol ákimdikke, úkimetke suraý salasyzdar. Sonda 107 depýtattyń bári tek zań shyǵaryp otyra ma? Halyq qalaýlysyzdar! Sizderge úmit arttyq. Zań shyǵarý úshin saılaǵan joq. Bizdiń jaǵdaıymyzdy jasasyn dep saılady.
Aıdos Sarym depýtattardyń bar fýnkııasy zań shyǵarýda ekenin taǵy basa aıtty.
"Iá. Sol ǵana fýnkııamyz. Halyq zań shyǵarý úshin saılady. Keshirińiz, eger ondaı bolsa aýdan ákimi zań shyǵarsyn da, al biz onda trýba jóndeıik", - dedi Májilis depýtaty.
