Qazaq elınıŋ Oqu-aǧartu ministrı Ashat Aimaǧambetov öz perzentterın qalai kıtap oquǧa baulyp, olarǧa qalai baǧyt-baǧdar bergenı haqynda söz ettı. Sonymen qatar, ūlttyŋ jetekşı ūstazy parasatty qoǧam qalyptastyrudyŋ basty kıltı - jappai kıtap oqu mädenietı ekendıgın öz mysalynda aiǧaqtady. Būl turasynda "Adyrna" ūlttyq portaly baiandaidy.
Qazaq elınıŋ oqu-aǧartu ministrı kıtap oqu mädenietınıŋ tal besıkten bastap qalyptasatysndyǧyn jetkızdı. Öz jazbasynyŋ betaşarynda būl jaily:
Balalyq şaǧymnan qalǧan estelıkterdıŋ bırı - üidegı kıtaptarǧa toly ülken söreler men aluan türlı ädebietter. Üide kıtaptardyŋ belgılı bır seriiasyna jazylu nemese kezektı ret oqylǧan kıtaptar turaly sondai maqtanyşpen, qyzyǧuşylyqpen aitylǧany älı esımde. Osydan bolar menıŋ de üidegı kıtaptardy qaita oqyp şyqqanym taŋqalarlyq emes. Al keiınırek audandyq kıtaphananyŋ tūraqty oqyrmany atandym. Bala kezımde «tamaq ışıp otyrǧanda kıtap oqymau kerek» degen eskertudı jiı estitınmın, -dep jazdy.Ministr būl igı qūbylysty öz şaŋyraǧynda dästürge ainaldyrǧanyn jetkızdı. Ministrden bölek, qarapaiym otaǧasy, äke retınde öz perzentterın jata-jastana kıtap oquǧa qalai baulyǧanyn tarqatyp aitty.
- Özım äke atanǧanymda balalaryma aldymen ertegı oqyp berdım, keiın ülken ūlym özı oqi bastady. Ertegıler men şaǧyn äŋgımelerden bastap, şytyrman oqiǧalar, ǧylymi fantastika jäne körkem emes fantastika syndy janrlarǧa bırtındep köştık. 5-synyptan bastap ūlym jylyna 30-50 kıtap oqityn boldy. Sol kezde men de ūlyma keşkı as kezınde «kıtap oqyma» dep eskertu jasai bastadym. Balabaqşaǧa baryp jürgen kenje balam ertegılerdı, äsırese, «Erketai» men «Jänıbek» turaly zamanaui qazaq komiksterın tyŋdaǧandy ūnatady, – deidı Ashat Aimaǧambetov.Ashat Aimaǧambetov öz balalaryn kıtap oquǧa eş mäjbürlemegen. Kıtap oqu - qysymmen emes, qyzyǧuşylyqpen qalyptasatyn daǧdy. Onyŋ aituynşa, bala körgenın ısteidı. Sondyqtan, ata-ananyŋ kıtap oqyǧany lazym.
«Men öz täjıribemnen balalardy oquǧa mäjbürleuge bolmaitynyn aita alamyn. Balalarǧa qysym körsetpei, kerısınşe jeke mysalmen oquǧa degen süiıspenşılıktı oiatu qajet. Bala ata-anasynyŋ kıtap oqyp otyrǧanyn köruı kerek. Sonda ǧana qyzyǧuşylyq paida bolady. Kıtaptar balanyŋ mınezıne jäne qūndylyqtarynyŋ qalyptasuyna äser etetının de eskergen jön. Oŋ siujettık jelısı bar kıtaptar jaqsy ädetterge baulyp, dūrys tärbie beredı. Sol sebeptı balalardy qoldau, kıtap oquǧa baulu, olarǧa kıtap satyp alyp beru, kıtap körmelerıne bırge baru öte maŋyzdy», – deidı bas ūstaz.Sonymen qatar, ministr barlyq talapkerlerdı kıtappen dos boluǧa şaqyrdy.
- Mereke qarsaŋynda osy jazbany oqityn ata-analarǧa balalarǧa qyzyqty kıtap oquǧa keŋes berudı ūsynar edım. Olardyŋ kıtap älemıne jasaǧan saiahaty qyzyqty bolsyn! Barlyq oquşyny kıtap oquǧa köbırek uaqyt böluge şaqyramyn. Öitkenı, bılım – eŋ qūndy bailyq, – deidı Ashat Aimaǧambetov.
"Adyrna" ūlttyq portaly
Ūqsas jaŋalyqtar
ministr
kıtap
Kıtaphana
oqu-aǧartu ministrı
bılım reformasy
ministr Ashat Aimaǧambetov
kıtap oqu mädenietı
asyl qazyna
jas oqyrmandar
oqyrman
bılım salasy
