“Qaiǧyly Qaŋtar” qaitalanbau üşın türkı bırlıgın saqtauymyz kerek. Bızdı, täuelsızdıktı saqtaityn türkı bırlıgı. Būl pıkırdı belgılı ekonomist, qoǧam qairatkerı Janūzaq Äkım “Adyrna” ūlttyq portalyna aityp berdı.
“Osydan bır jyl būryn bärımızge belgılı “Qaiǧyly Qaŋtar oqiǧasy” boldy. Būl qazaq halqy üşın öte qaiǧyly 238 adamnyŋ ömırın qiǧan oqiǧa boldy. Būl ärine, aiaq astynan şyqty. Jaŋaözende mūnai men gaz qūnynyŋ köterıluınen bastaldy. Bıraq Almatyǧa, oŋtüstık öŋırge kelgende jappai ūiymdasqan qylmystyq toptar kırıstı. Būl mäselenı bız emosiiamen şeşe almaimyz. Ony tüsınu kerek. Būl - bır.
Ekınşı, qaiǧyly oqiǧa älı tekserılıp bolǧan joq. Osy jaŋa jyldyŋ aldynda bas prokuraturanyŋ qyzmetkerlerı Azattyqqa bergen sūhbatynda “prokuratura özınşe tekserıp jatyr, ışkı ıster ministrlıgı özınşe, ūlttyq qauıpsızdık komitetı özderınşe tekserıp jatyr” deidı. Bız barlyǧyn tekserıp almai, onyŋ jauabyn bere almaimyz.
“Elımız “Qaŋtar qasıretınen keiın bırneşe sabaq aldy. Adamdarymyzdan aiyrylyp, jüregımız qan jylady. Halyqtyŋ bilıkke degen yzasy baiqaldy. Mūnyŋ barlyǧyn qaita boldyrmauymyz kerek? Ol üşın ne ısteimız?
Bırınşı, bızde ūlt bırlıgı boluy kerek. Ol aldymen, qazaqtyŋ bırıguı, sosyn qazaq qazaqstandyqtardy bırıktıru kerek. Sonda el bırıgedı. Ekınşı, bilık ūlttyq memlekettı moiyndap, sonyŋ müddesıne jūmys jasaǧanda ǧana qoǧam damidy. Odan basqa qazaq bır jaqqa, bilık bır jaqqa tartyp, qoǧam damymaidy. Üşınşı, türkı bırlıgı. Bızdı, täuelsızdıktı saqtaityn türkı bırlıgı”, - dedı Janūzaq Äkım.
